[A:438]po che ji snyed byon pa de dag/ bshes gnyen chen po des byin gyis brlabs pa'i sku gsung thugs dang yon tan phrin las kyi sprul pa nyid du gdon mi za bar nges so//
gang ltar yang rung ste/ rgyal sras chen po dag tu mtshon par byed pa'i chos 'di lta ste/ rtag tu skyon rig pas khyim na gnas pa la mngon par mi dga' zhing/ 'dod pa'i yon tan mtha' dag las sems bsrung ba dang/ nam yang nges par 'byung ba la dga' zhing/ legs par gsungs pa'i chos 'dul ba dag la gces spras su bya ba dang/ skye bo mtha' dag la byams shing khong mi khro bas snyan par smra ba dang/ bzhin gyi mdangs gsal bas gsong por smra zhing/ yo byad kyi khyad par ci 'byor pa dag sbyin par spro ba ste/ chos 'di dag gang la yod pa de ni rgyal sras chen por mtshon pa'i chos thog mar dge ba ste/ de dag kyang rje btsun 'di la gzhon nur gyur pa'i dus nyid nas mnga' ba'o//
byang chub sems dpa'i tshul khrims nyin mtshan gyi thun bzhir len pa las mi g.yel zhing/ rtag tu dge ba'i bshes gnyen bsten pa la mngon par dges pa dang/ byang chub sems dpa'i sde snod dag klog pa dang/ 'dris shing kun chub par byed pa la 'grus pa mi lhod pa dang/ gzhan la tho mi 'tshams zhing/ phrag dog pa dang/ rang la khengs pa'i dug gis ma gos pa dang/ dkon mchog mchod pa la brtson zhing/ phyi nang gi bdog pa thams cad gtong bar zhugs pa dang/ mang du thos pas ngoms mi shes shing/ sems can gyi don la skyo ba spangs pa zhes bya ba 'di dag ni/ rgyal sras chen por mtshon pa'i chos bar du dge ba ste/ de dag kyang rje btsun 'di la mnga' ba'o//
dngos grub kun gyi rtsa ba rdo rje 'dzin pa nyid sgo