[A:439]thams cad nas mnyes par byed cing/ thun bzhi'i rnal 'byor mchog las mi g.yel ba dang/ thun mtshams kun du dam pa'i chos bshad pa la spro zhing chos spyod kyi rim pa dang/ zab mo'i bzlas brjod la 'grus pa mi lhod pa dang/ dman pa'i sa gnyis las ring du gol ba'i dben par spro zhing/ bsdu ba'i dngos po bzhi'i mdzad pa dang ma bral ba nyid dang/ rang gang la gnas pa'i dam tshig dang sdom pa'i tshogs kyis gdul bya gzhan rjes su 'dzin pa la skyo ba spengs pa'i phrin las yod pa zhes bya ba 'di dag ni/ rgyal sras chen por mtshon pa'i chos tha mar dge ba ste/ 'di dag gang la mchis pa'i sems can chen po de thams cad ni rgyal ba sras dang bcas pa'i gdung 'tshob pa nyid du nges la/ de thams cad kyang rje btsun dam pa 'di nyid la mnga' ba yin no zhes rang gi myong bas mngon sum du grub pa'i shes rab kyis rnam par brtags shing/ yid ches pa'i gnas su 'dres par byas nas/ phyis 'byung gi brgyud 'dzin dag la bla ma tshad mar bya ba'i gtam nyid du byas pa yin no//
de ltar bstan pa rin po che'i bgyi ba dang/ 'gro ba mang po phan pa dang dge legs su bya ba'i mdzad pa dag mthar phyin par mdzad nas/ rang lo nga bdun pa sa pho spre'u'i lo/ hor zla bcu pa'i yar tshes gcig la/ sngon glang ri thang pa chen pos thog mar byang chub kyi sems yun ring du sbyangs pa'i gnas ri skyes dmar po'i stengs der/ dus phyis dgongs pa sngon gtang gi dben gnas dge 'phel gyi mtshan can grub pa der phebs nas/ zhag shas bsnyung ba'i tshal bstan/ yar ngo'i tshes bcu/ dpa' bo dang rnal 'byor ma'i tshogs rang gi ngang gis 'du ba'i khyad par can gyi nyi shar la/ lam zab bla ma'i rnal 'byor gyi ngang gis bde ba can du gshegs so//
rgyal ba'i