[A:437]gsung gis/ glang thang pa rdo rje'i ming can 'di ni tshul rnam par dag cing/ byang chub kyi sems rang shar du yod/ gzhan gyi don la skyo ngal med pas na bstan pa'i bdag po'opo' zhes dbugs dpyung bar mdzad cing/ rdo rje gdan pa chen pos sangs rgyas snang ba mtha' yas kyi sprul par lung bstan/ khong pa rang gis kyang skye ba thams cad du dge slong gi dngos po 'dzin par dam bcas pas na/ dpal ldan lha mo mngon sum du byon nas dre'u'i sgra lhang lhang por lan gsum du bsgrags/ dus de srid du srung ma byed phyed par khas blangs pa sogs che ba'i yon tan dang ldan pa des/ rang lo bdun cu la thug pa'i bar de srid du/ glang thang nyis stong lnga brgya dang/ shar ba sum stong brgyad brgya gcig tu bsdus pa'i bshes gnyen dam pa mdzad/ de bzhin gshegs pa'i sku gdung ring bsrel gyi snying po can gyi mchod rten bzhengs/ pu to bas gtso mdzad pa'i dge slong nyis stong tsam gyis rab tu gnas pa mdzad pa mthar phyin pa'i tshe/ 'di skad du/ chos grwa 'di shin tu rgud par gyur pa'i tshe/ kho bo thangs gcig 'ong ba dag na yang shin tu dar te/ gling ri skyes dang 'brel bar gyur pa'i tshe thengs gcig 'ong/ zhes pa'i gtam/ mchod rten gyi dkar chag yi ger bris pa dag na yod do// zhes rgan po kun gyis 'thun par gleng zhing/ rgud pa'i dus su 'byon pa de/ rin po che bzang po dpal ba'am/ lotstsha ba shAkya bzang po'am/ spyan snga rin po che gang rung zhes ngos 'dzin zhing/ dar ba'i dus su 'byon pa de rje btsun 'di nyid do/ zhes gsung pa dag thos so//
gang ltar yang/ glang ri thang gi chos grwa 'di rgud pa'i dus su 'khrungs nas/ dar zhing rgyas par mdzad pa'i gang zang stobs