[A:436]de bas na/ lung bshad kyi rgyun pa 'dzin pa'i slob ma phreng tshegs su gyur pa rnams lta ci smos/ che btsun du gyur pa mang po dag bgrang bar ga la nus/ rje gong ma de dag gi chos kyi brgyud pa 'dzin nus pa dag mdo tsam bsdu na/ gsang phu gling stod kyi gdan sa ba bsod nams legs mchog pa dang/ sde snod 'dzin pa chen po chos kyi rgyal mtshan pa sogs chen po rnam pa bzhi dang/ gzhung las dang 'chad nyan 'dzin pa'i slob dpon rnam pa gsum dang/ nA lentra nas bshes gnyen chen po nam mkha' snying po dang/ nam mkha' bzang po sogs/ dus de dus su bzhugs pa'i nyan bshad pa bstan pa'i rgyun la phan 'dogs mdzad nus pa mtha' dag gis/ tha na'ang bla ma gong ma'i bka' 'bum sna re tsam ma gsan pa cig kyang med pa dang/ rgya ma bya yul gyi mkhan po rnam pas gsung gi bsgrub brgyud bzung ba dang/ stag lung thang pa'i mkhan slob chos gsum ji snyed pa bu slob du ma gyur pa cig kyang med pa dang/ rgyal rong na nam mkha' rgyal mtshan/ rab sgang du lha yags dkon mchog grags/ sde snod 'dzin pa nam mkha' sangs rgyas rnams kyis gsung ngag gi brgyud pa gzung ba dang/ spom 'bor du chos rje ra mdo ba sogs gsung ngag gi brgyud 'dzin gsum tsam byung ba dang/ smar 'khamasu a kar chos rjes kyang chos 'brel gsan zhing/ bshes gnyen kun dga' zla ba dang/ shAkya blo gros pa gnyis kyis gsung ngag cha lag dang bcas pa'i brgyud pa bzung ba dang/ slad nas kyang bsgrub pa'i lung sbyin pas rgyud 'dzin du lung bstan pa mang zhig yod par mngon no//
gzhan yang skyes bu dam pa 'di ni/ bshes gnyen glang ri thang pa'i sprul pa yin zhes/ rgan po dag 'di skad du gleng ba thos te/ bshes gnyen glang ri thang pa de ni bshes gnyen po to ra'i