[A:385]theg pa chen po'i chos la mtha' gcig tu gzhol ba des sbyor ba yan lag drug pa'i rnal 'byor nyams su blangs pas rlung sems bde ba chen por 'dres shing sngon dang phyi mtha' rig pa'i mngon shes thogs med du shar te/ bdag gi lus la bu skyedskyad na rgyal ba'i bstan pa la mchog tu bya ba byed par nus pa'i skyes bu chen po gsum 'byung bar 'gyur ro snyam du nges pa yin no//
de nas des re shig gi tshe/ 'phan yul dmar zhogs kyi sar khyim thab du byas te/ 'phags pa snying rje chen pos byin gyis brlabs pa'i slob dpon chen po dngos grub zhes pa dang lhan cig tu 'grogs pas/ sras che ba dmar ston kun dga' bsod nams zhes bgyi ba/ sgra dang/ tshad ma dang/ 'dul ba dang/ mngon pa dang/ dbu ma tshig gsal 'jug bzhi gsum thugs su chud cing/ mngon par rtogs pa'i yon tan du ma dang ldan pa zhig 'khrungs te/ rgyal ba'i bstan pa la bya ba rgya chen mdzad nas dgung lo nyi shu rtsa brgyad pa la/ byang ngam rings su sku gshegs so//
yang yab de nyid dpar grogs pa las/ sras chung ba dmar ston rgya mtsho rin chen zhes bgyi ba kha ba can gyi ljongs na nyi ma ltar gsal ba'i grags pa'i gdugs dkar g.yo ba zhig 'khrungs te/ des ni bde bar gshegs pa'i gsung rab ma lus pa thugs su chud cing/ mtshan bcas dang mtshan med gyi rnal 'byor la skad cig kyang g.yel ba mi mnga' bas mngon par rtogs pa'i bang mdzod du ma la dbang 'byor zhing/ khyad par du/ 'dul ba dang/ mngon pa'i bshad nyan dgung lo bdun cu don drug gi mthar thug gi bar du mdzad pas/ deng sang rgyal ba'i bstan pa la bya ba byed par nus pa'i bshes gnyen mtha' dag gis de'i zhabs rdul spyi bor ma blangs gcig kyang med pa yin no//
yang yum des slob dpon