[A:386]dngos grub kyi sras lhag pa'i lha du mas rjes su bzung ba dgung lo bco brgyad pa la mkha' spyod kyi gnas su dpa' bo dang rnal 'byor ma'i tshogs dpag tu med pas spyan 'dren par 'gyur ba dge bsnyen mgon po zhes pa zhig dang mnyam du 'grogs pas bdag cag gi bla ma dam pa 'di chu pho byi ba'i lo la sku 'khrungs pa yin no//
2.2
gnyis pa la/ 2.2.1
rang gi thugs rgyud ji ltar sbyangs pa'i tshul dang/ 2.2.2
gzhan ji ltar rjes su bzung ba'i tshul dang gnyis/
2.2.1
dang po la 2.2.1.1
theg pa thun mong gis thugs rgyud ji ltar sbyangs pa'i tshul dang/ 2.2.1.2
thun mong ma yin pa sngags kyi theg pas smin cing grol bar mdzad pa'i tshul lo//
2.2.1.1
dang po la/
khrims ni rgyu dang mi rgyu'i sa bzhin du//
yon tan kun gyi gzhi rten lags par gsungs//
zhes 'byung ba ltar/ thog mar yon tan thams cad kyi rten so sor thar pa'i tshul khrims la rim gyis slob par mdzad de/ de yang 'di ltar/
'dzin mar lhun po'i dpal bzhin du//
khyod zhabs tshul khrims gzhi la'o//
zhes smras te/ de yang gzhon nu'i dus nyid nas sngon goms pa'i dbang gis chos 'chad pa dang/ dbang bskur ba dang/ sdom pa 'bogs pa dang/ ting 'dzin la snyoms par 'jog pa la sogs pa'i tshul gyis rtse bar mdzad kyi/ tha mal pa'i rtsed mo gzhan gyis ni ma yin no//
de nas dgung lo brgyad pa'i tshe/ brgya byin gyi gzhu ltar mngon par bkra ba'i srid pa'i 'byor pa 'di yang dug gi ro mngar bzhin du slar yang 'khor ba'i gnas su 'phen pa'i rgyur gzigs shing ma rgan sems can thams cad sdug bsngal gyi rgya mtsho chen po las 'don par bya'o snyam du dgongs pa'i nges 'byung bcos ma ma yin pa thugs rgyud la 'khrungs te/ bstan pa'i bdag po mkhan chen seng ge dpal ba'i drung du/ bslab pa'i gzhi lnga 'dzin pa'i dge bsnyen gyi