[A:384]ji ltar bskrun pa'i tshul dang/
2.2
rten de la nges legs kyi yon tan ji ltar brnyes pa'i tshul gnyis las/
2.1
dang po ni/ ji skad bshad pa'i skyes bu chen po des dgos pa 'ga' zhig gi phyir/ rang nyid dpal sha wa ri dbang phyug gis smin cing grol bar mdzad pa'i gnas/ bal po'i grong khyer chen po zhig gi nye logs su skye ba yongs su 'dzin par mdzad do//
de nas re zhig na kha ba can gyi ljongs su gshegs pa'i dus la bab par gzigs nas/ lo brgyad lon pa'i bal po gzhon nu ma de/ sa phyogs 'di nyid du yum gyi mngal du bzung ba'i snang ba shar bar gyur to//
zhes bla ma dam pa nyid kyi thugs nyams kyi snang ba tshad mas grub pa nyid yin no//
'di'i rigs kyi khyad par ni//
kha ba ri bo'i spo la bzhin//
bsams bzhin skye ba bzhes pa yang//
ma smad sa yi rigs la'o//
zhes smras te/ de nas bal po gzhon nu ma de'i?des rigs kyi khyad par ni/ 'phags pa 'jig rten dbang phyug gi sprul pa la stod sprul sku dmar po zhes 'dzam bu gling na nyi ma ltar grags pa de'i sras gnyis las chung ba rong chung sangs rgyas zhes pa'i sras kyi brgyud pa 'phags pa 'jig rten dbang phyug gis byin gyis brlabs pa bar ma chad du byon pa'i brgyad pa slob dpon dge bsnyen mgon po zhes bya ba'i rigs la gzigs par mdzad do//
yum gyi khyad par ni/
bung ba'i tshogs rnams pad ma'i tshal//
snyeg par byed kyi dug mtshor min//
rgyal ba'i sras po ma lus pa//
rgyal yum kho na'i mngal du'o//
de bzhin du skyes bu chen po 'di yang dad pa dang snying rje dang/ bsam gtan la sogs pa 'phags pa'i sras rnams bskrun par nus pa'i yon tan dang ldan pa zhig kho na'i mngal du 'jug par mdzad gyi/ gzhan la ma yin no//
de yang 'di ltar thos te/ lo bza' rdo rje bu 'dren zhes pa gzhon nu ma nas dad pa dang snying rje ngang gis 'phel zhing/