[A:385]ཐེག་པ་ཆེན་པོའི་ཆོས་ལ་མཐའ་གཅིག་ཏུ་གཞོལ་བ་དེས་སྦྱོར་བ་ཡན་ལག་དྲུག་པའི་རྣལ་འབྱོར་ཉམས་སུ་བླངས་པས་རླུང་སེམས་བདེ་བ་ཆེན་པོར་འདྲེས་ཤིང་སྔོན་དང་ཕྱི་མཐའ་རིག་པའི་མངོན་ཤེས་ཐོགས་མེད་དུ་ཤར་ཏེ། བདག་གི་ལུས་ལ་བུ་སྐྱེདསྐྱད་ན་རྒྱལ་བའི་བསྟན་པ་ལ་མཆོག་ཏུ་བྱ་བ་བྱེད་པར་ནུས་པའི་སྐྱེས་བུ་ཆེན་པོ་གསུམ་འབྱུང་བར་འགྱུར་རོ་སྙམ་དུ་ངེས་པ་ཡིན་ནོ༎
དེ་ནས་དེས་རེ་ཤིག་གི་ཚེ། འཕན་ཡུལ་དམར་ཞོགས་ཀྱི་སར་ཁྱིམ་ཐབ་དུ་བྱས་ཏེ། འཕགས་པ་སྙིང་རྗེ་ཆེན་པོས་བྱིན་གྱིས་བརླབས་པའི་སློབ་དཔོན་ཆེན་པོ་དངོས་གྲུབ་ཞེས་པ་དང་ལྷན་ཅིག་ཏུ་འགྲོགས་པས། སྲས་ཆེ་བ་དམར་སྟོན་ཀུན་དགའ་བསོད་ནམས་ཞེས་བགྱི་བ། སྒྲ་དང། ཚད་མ་དང། འདུལ་བ་དང། མངོན་པ་དང། དབུ་མ་ཚིག་གསལ་འཇུག་བཞི་གསུམ་ཐུགས་སུ་ཆུད་ཅིང། མངོན་པར་རྟོགས་པའི་ཡོན་ཏན་དུ་མ་དང་ལྡན་པ་ཞིག་འཁྲུངས་ཏེ། རྒྱལ་བའི་བསྟན་པ་ལ་བྱ་བ་རྒྱ་ཆེན་མཛད་ནས་དགུང་ལོ་ཉི་ཤུ་རྩ་བརྒྱད་པ་ལ། བྱང་ངམ་རིངས་སུ་སྐུ་གཤེགས་སོ༎
ཡང་ཡབ་དེ་ཉིད་དཔར་གྲོགས་པ་ལས། སྲས་ཆུང་བ་དམར་སྟོན་རྒྱ་མཚོ་རིན་ཆེན་ཞེས་བགྱི་བ་ཁ་བ་ཅན་གྱི་ལྗོངས་ན་ཉི་མ་ལྟར་གསལ་བའི་གྲགས་པའི་གདུགས་དཀར་གཡོ་བ་ཞིག་འཁྲུངས་ཏེ། དེས་ནི་བདེ་བར་གཤེགས་པའི་གསུང་རབ་མ་ལུས་པ་ཐུགས་སུ་ཆུད་ཅིང། མཚན་བཅས་དང་མཚན་མེད་གྱི་རྣལ་འབྱོར་ལ་སྐད་ཅིག་ཀྱང་གཡེལ་བ་མི་མངའ་བས་མངོན་པར་རྟོགས་པའི་བང་མཛོད་དུ་མ་ལ་དབང་འབྱོར་ཞིང། ཁྱད་པར་དུ། འདུལ་བ་དང། མངོན་པའི་བཤད་ཉན་དགུང་ལོ་བདུན་ཅུ་དོན་དྲུག་གི་མཐར་ཐུག་གི་བར་དུ་མཛད་པས། དེང་སང་རྒྱལ་བའི་བསྟན་པ་ལ་བྱ་བ་བྱེད་པར་ནུས་པའི་བཤེས་གཉེན་མཐའ་དག་གིས་དེའི་ཞབས་རྡུལ་སྤྱི་བོར་མ་བླངས་གཅིག་ཀྱང་མེད་པ་ཡིན་ནོ༎
ཡང་ཡུམ་དེས་སློབ་དཔོན་