[A:384]ཇི་ལྟར་བསྐྲུན་པའི་ཚུལ་དང།
2.2
རྟེན་དེ་ལ་ངེས་ལེགས་ཀྱི་ཡོན་ཏན་ཇི་ལྟར་བརྙེས་པའི་ཚུལ་གཉིས་ལས།
2.1
དང་པོ་ནི། ཇི་སྐད་བཤད་པའི་སྐྱེས་བུ་ཆེན་པོ་དེས་དགོས་པ་འགའ་ཞིག་གི་ཕྱིར། རང་ཉིད་དཔལ་ཤ་ཝ་རི་དབང་ཕྱུག་གིས་སྨིན་ཅིང་གྲོལ་བར་མཛད་པའི་གནས། བལ་པོའི་གྲོང་ཁྱེར་ཆེན་པོ་ཞིག་གི་ཉེ་ལོགས་སུ་སྐྱེ་བ་ཡོངས་སུ་འཛིན་པར་མཛད་དོ༎
དེ་ནས་རེ་ཞིག་ན་ཁ་བ་ཅན་གྱི་ལྗོངས་སུ་གཤེགས་པའི་དུས་ལ་བབ་པར་གཟིགས་ནས། ལོ་བརྒྱད་ལོན་པའི་བལ་པོ་གཞོན་ནུ་མ་དེ། ས་ཕྱོགས་འདི་ཉིད་དུ་ཡུམ་གྱི་མངལ་དུ་བཟུང་བའི་སྣང་བ་ཤར་བར་གྱུར་ཏོ༎
ཞེས་བླ་མ་དམ་པ་ཉིད་ཀྱི་ཐུགས་ཉམས་ཀྱི་སྣང་བ་ཚད་མས་གྲུབ་པ་ཉིད་ཡིན་ནོ༎
འདིའི་རིགས་ཀྱི་ཁྱད་པར་ནི༎
ཁ་བ་རི་བོའི་སྤོ་ལ་བཞིན༎
བསམས་བཞིན་སྐྱེ་བ་བཞེས་པ་ཡང༎
མ་སྨད་ས་ཡི་རིགས་ལའོ༎
ཞེས་སྨྲས་ཏེ། དེ་ནས་བལ་པོ་གཞོན་ནུ་མ་དེའི?དེས་རིགས་ཀྱི་ཁྱད་པར་ནི། འཕགས་པ་འཇིག་རྟེན་དབང་ཕྱུག་གི་སྤྲུལ་པ་ལ་སྟོད་སྤྲུལ་སྐུ་དམར་པོ་ཞེས་འཛམ་བུ་གླིང་ན་ཉི་མ་ལྟར་གྲགས་པ་དེའི་སྲས་གཉིས་ལས་ཆུང་བ་རོང་ཆུང་སངས་རྒྱས་ཞེས་པའི་སྲས་ཀྱི་བརྒྱུད་པ་འཕགས་པ་འཇིག་རྟེན་དབང་ཕྱུག་གིས་བྱིན་གྱིས་བརླབས་པ་བར་མ་ཆད་དུ་བྱོན་པའི་བརྒྱད་པ་སློབ་དཔོན་དགེ་བསྙེན་མགོན་པོ་ཞེས་བྱ་བའི་རིགས་ལ་གཟིགས་པར་མཛད་དོ༎
ཡུམ་གྱི་ཁྱད་པར་ནི།
བུང་བའི་ཚོགས་རྣམས་པད་མའི་ཚལ༎
སྙེག་པར་བྱེད་ཀྱི་དུག་མཚོར་མིན༎
རྒྱལ་བའི་སྲས་པོ་མ་ལུས་པ༎
རྒྱལ་ཡུམ་ཁོ་ནའི་མངལ་དུའོ༎
དེ་བཞིན་དུ་སྐྱེས་བུ་ཆེན་པོ་འདི་ཡང་དད་པ་དང་སྙིང་རྗེ་དང། བསམ་གཏན་ལ་སོགས་པ་འཕགས་པའི་སྲས་རྣམས་བསྐྲུན་པར་ནུས་པའི་ཡོན་ཏན་དང་ལྡན་པ་ཞིག་ཁོ་ནའི་མངལ་དུ་འཇུག་པར་མཛད་གྱི། གཞན་ལ་མ་ཡིན་ནོ༎
དེ་ཡང་འདི་ལྟར་ཐོས་ཏེ། ལོ་བཟའ་རྡོ་རྗེ་བུ་འདྲེན་ཞེས་པ་གཞོན་ནུ་མ་ནས་དད་པ་དང་སྙིང་རྗེ་ངང་གིས་འཕེལ་ཞིང།