[A:396]rjes su byed pa'i phyir ro//
2.2.2.2
gnyis pa la/
nyon mongs gdugs kyis cher gdungs pa'i//
'gro la khyod kyi 'phrin las ni//
ha ri tsan dan gyis bsgos pa'i//
ma la ya yi rlung bzhin 'bab//
zhes smras te/ de yang dgung lo sum cu tsam gyi dus la bab pa na/ byang ra sgreng gi dben gnas na sgrub pa snying por mdzad pa'i tshe/ chos sdings dpal gyi ri khrod/ 'di chos bzhin du skyong bar byed pa'i bstan ma gnyis drung du lhags te/ chos sdings kyi mkhan po seng ge dpal zhes pa da lug lo'i mjug'jug la lug thang la 'chi bar gda' bas khyed kyis ri khrod du phebs nas/ sngon gyi 'phrin las kyi lhag ma ma lus pa bsgrub par mdzad du gsol/ bdag cag rnams kyi ming dang srog snying ni 'di dang 'di zhes bgyi ba yin no//
zhes phul nas bka' las mi 'da' bar dam bcas pa yin la de nas des ji ltar smras pa bzhin/ sngon gyi smon lam gyi dbang gis dgung lo sum cu rtsa gsum pa la/ kun mkhyen chen po'i gdan sar phyag phebs te gdul bya rnams rjes su 'dzin par mdzad pa yin no//
de yang 'di ltar/
bung bas pad mo'i tshal mthong ltar//
thos bsam snying po blang bya'i phyir//
sngon goms dbang gi 'bad med par//
bsam gtan khang pa'i nang du'o//
zhes bya ba smras te/ de yang gdan sar phebs nas/ lo bco brgyad kyi bar du sgrub pa snying por mdzad cing/ de dag gi tshe na yang dpa' bo dang rnal 'byor ma dang/ grub pa thob pa'i rnal 'byor pa rnams kyis dngos su byin gyis brlabs shing/ rgyal chen rigs bzhi dang/ sum cu rtsa gsum pa'i lha'i bu dang/ bu mo rnams kyis yar ngo'i tshes brgyad dang bcu bzhi dang/ bcubcwa lnga la/ lha rdzas kyi me tog dang/ bdug spos la sogs pas mchod par byed pa ni thams cad kyis mngon sum mo//
de'i tshe na
so sor rtog pa'i shes rab kyis//
ma 'dres so sor dpyod pa na//