[A:397]dngos po rnams kyis rang gi 'tshang//
gsal bar smras pa ji bzhin no//
de yang so sor sdudbsdud pa dang/ bsam gtan gyi mthu la brten nas lta ba'i phu thag legs par chod de dngos po rnams kyis rang gi rang bzhin kun rdzob sna tshogs su snang zhing don dam par rang bzhin med pa nyid de nyid kyis gsal por smras pa bzhin du bdag med rtogs pa'i shes rab kyis chos kun sgyu ma lta bur rtogs shing/ spyan dang mngon par shes pa thogs med du shar te yul ljongs 'dir mchis pa rnams kyi dge ba dang mi dge ba'i mtshan ma dang sems can rnams kyi 'chi 'pho ba dang skye ba dang rang nyid kyi sngon gyi gnas dang/ phyi ma'i gnas dang/ yab dang yum gyi phyi ma'i gnas ji lta ba bzhin du mkhyen te/ dge legs kyi mdzad pa bsam gyis mi khyab pa bskrun cing lung ston par mdzad pa yin no//
de'i tshe nyi zla'i rgyu ba kun//
dbu ma'i lam du rab phrogs nas//
de nyid 'dzin pa'i rnal 'byor gyis//
longs sku'i zhing khams brgya phrag bgrod//
'di ltar nga drug rkang bcas kyis dman pa'i las rlung nyi khri chig stong drug brgya'i 'pho ba bcu gnyis po thams cad dbu ma'i lam du phrogs nas de nyid gzhan du mi 'gyur ba'i bde ba chen por 'dzin par nus pa'i rnal 'byor gyis bden don rnam pa bcu gnyis kyi don mngon sum du mdzad de/ de nyid kyi ngang nas rgyal ba longs spyod rdzogs sku'i zhing khams brgya phrag rnams su bgrod nas/ zab pa dang/ rgya che ba'i theg pa chen po'i chos la longs spyod par mdzad pa ni bsam gyis mi khyab ste/ 'on kyang/
'di na skal ba dman pa 'ga'//
sbyangs pa'i mthu dang goms pa'i rtsal//
gang yang med par rang blo'i dpes//
gzhan blo dpog phyir btang snyoms bzhag//
ces smras te/ 'dir ni rgyas par ma brjod de/ la la rang la sbyangs pa dang nyams su myong ba ci yang med par rang rgyu mtshan du byas nas gzhan