[A:395]chos kyi mtsho chen po brdol ba yin no//
de'i phyir 'di lta bu'i che ba'i yon tan mthong ba'i tshe na/
phyi nang gzhung lugs brgya phrag gis//
mgrin par brgyan pa'i dregs ldan yang//
dad pa'i cod pan dkar po la//
zhabs skyes pad mo'i phreng ba len//
zhes smras so//
2.2.1.2.3.2
gnyis pa mchog gi dngos grub brnyes pa'i tshul ni/ thun mong du 'di lta bu'i che ba'i yon tan dang ldan pa'i rtags kyis/ sku bzhi ye shes lnga dang ldan pa'i rdo rje 'chang chen po'i go 'phang brnyes par gdon mi za mod/ de ji ltar brnyes pa'i tshul la sogs pa 'dir ni gsal bar ma bris te gsang ba chen po'i snod du gyur pa dang ma gyur pa'i skye bo kun gyis blta ba dang/ nyan pa dang/ de la brten nas dad pa ngang gis 'phel ba'i dmigs rkyen tsam du 'di tsam zhig bris pa yin pa'i phyir ro//
2.2.2
gnyis pa gzhan rjes su bzung ba'i tshul la/ 2.2.2.1
thun mong gi theg pas rjes su bzung ba'i tshul dang/ 2.2.2.2
thun mong ma yin pa'i theg pas rjes su bzung ba'i tshul lo//
2.2.2.1
dang po la/
dam pa rnams kyi 'phrin las ni//
'bad pa med par ngang gis 'jug//
dri bzhon las byung dri zhim 'di//
ched du bsgos pa yin nam ci//
de yang bstan pa'i snying po legs par gsungs pa'i chos 'dul ba las gzhan dag rab tu byung ba dang/ bsnyen par rdzogs par mdzad pa ni grangs las 'das shing/ mtshan nyid theg pa'i dbang du byas pa'i bshad nyan gyi ming du btags pa cher mdzad pa ni med mod kyi/ de lta na'ang sngar bshad pa ltar dbus gtsang gi blo gsal zhing yid gzhungs la don du gnyer ba'i mkhas pa stong phrag gnyis kyis lhag pa'i khri phrag gcig gi dbus su bde bar gshegs pa'i gsung rab rab 'byam gyi bshad pa rgya cher mdzad pas blo gsal de dag gi rgyud la legs par bshad pa'i rtogs pa 'khrungs pa ni bsam gyis mi khyab ste/ 'bras bu rgyu'i