[A:396]རྗེས་སུ་བྱེད་པའི་ཕྱིར་རོ༎
2.2.2.2
གཉིས་པ་ལ།
ཉོན་མོངས་གདུགས་ཀྱིས་ཆེར་གདུངས་པའི༎
འགྲོ་ལ་ཁྱོད་ཀྱི་འཕྲིན་ལས་ནི༎
ཧ་རི་ཙན་དན་གྱིས་བསྒོས་པའི༎
མ་ལ་ཡ་ཡི་རླུང་བཞིན་འབབ༎
ཞེས་སྨྲས་ཏེ། དེ་ཡང་དགུང་ལོ་སུམ་ཅུ་ཙམ་གྱི་དུས་ལ་བབ་པ་ན། བྱང་ར་སྒྲེང་གི་དབེན་གནས་ན་སྒྲུབ་པ་སྙིང་པོར་མཛད་པའི་ཚེ། ཆོས་སྡིངས་དཔལ་གྱི་རི་ཁྲོད། འདི་ཆོས་བཞིན་དུ་སྐྱོང་བར་བྱེད་པའི་བསྟན་མ་གཉིས་དྲུང་དུ་ལྷགས་ཏེ། ཆོས་སྡིངས་ཀྱི་མཁན་པོ་སེང་གེ་དཔལ་ཞེས་པ་ད་ལུག་ལོའི་མཇུགའཇུག་ལ་ལུག་ཐང་ལ་འཆི་བར་གདའ་བས་ཁྱེད་ཀྱིས་རི་ཁྲོད་དུ་ཕེབས་ནས། སྔོན་གྱི་འཕྲིན་ལས་ཀྱི་ལྷག་མ་མ་ལུས་པ་བསྒྲུབ་པར་མཛད་དུ་གསོལ། བདག་ཅག་རྣམས་ཀྱི་མིང་དང་སྲོག་སྙིང་ནི་འདི་དང་འདི་ཞེས་བགྱི་བ་ཡིན་ནོ༎
ཞེས་ཕུལ་ནས་བཀའ་ལས་མི་འདའ་བར་དམ་བཅས་པ་ཡིན་ལ་དེ་ནས་དེས་ཇི་ལྟར་སྨྲས་པ་བཞིན། སྔོན་གྱི་སྨོན་ལམ་གྱི་དབང་གིས་དགུང་ལོ་སུམ་ཅུ་རྩ་གསུམ་པ་ལ། ཀུན་མཁྱེན་ཆེན་པོའི་གདན་སར་ཕྱག་ཕེབས་ཏེ་གདུལ་བྱ་རྣམས་རྗེས་སུ་འཛིན་པར་མཛད་པ་ཡིན་ནོ༎
དེ་ཡང་འདི་ལྟར།
བུང་བས་པད་མོའི་ཚལ་མཐོང་ལྟར༎
ཐོས་བསམ་སྙིང་པོ་བླང་བྱའི་ཕྱིར༎
སྔོན་གོམས་དབང་གི་འབད་མེད་པར༎
བསམ་གཏན་ཁང་པའི་ནང་དུའོ༎
ཞེས་བྱ་བ་སྨྲས་ཏེ། དེ་ཡང་གདན་སར་ཕེབས་ནས། ལོ་བཅོ་བརྒྱད་ཀྱི་བར་དུ་སྒྲུབ་པ་སྙིང་པོར་མཛད་ཅིང། དེ་དག་གི་ཚེ་ན་ཡང་དཔའ་བོ་དང་རྣལ་འབྱོར་མ་དང། གྲུབ་པ་ཐོབ་པའི་རྣལ་འབྱོར་པ་རྣམས་ཀྱིས་དངོས་སུ་བྱིན་གྱིས་བརླབས་ཤིང། རྒྱལ་ཆེན་རིགས་བཞི་དང། སུམ་ཅུ་རྩ་གསུམ་པའི་ལྷའི་བུ་དང། བུ་མོ་རྣམས་ཀྱིས་ཡར་ངོའི་ཚེས་བརྒྱད་དང་བཅུ་བཞི་དང། བཅུབཅྭ་ལྔ་ལ། ལྷ་རྫས་ཀྱི་མེ་ཏོག་དང། བདུག་སྤོས་ལ་སོགས་པས་མཆོད་པར་བྱེད་པ་ནི་ཐམས་ཅད་ཀྱིས་མངོན་སུམ་མོ༎
དེའི་ཚེ་ན
སོ་སོར་རྟོག་པའི་ཤེས་རབ་ཀྱིས༎
མ་འདྲེས་སོ་སོར་དཔྱོད་པ་ན༎