[A:392]pa sang shes pa'i drung du/ rdo rje gur dang/ rdo rje mkha' 'gro ma la sogs pa gsan no//
de dag ni mtha' chod par gsan cing slob gnyer yongs su rdzogs par mdzad pa dag yin no//
gzhan yang bla ma so so la chos gsan pa ni bsam gyis mi khyab ste/ rgyas par gsan yig las shes so//
2.2.1.2.3
gsum pa man ngag thugs nyams su bzhes pa'i tshul la//
gang ngo bang mdzod nor gyis te//
khyod thugs man ngag du mas so//
zhes smras te/ de yang dgung lo bcu gcig pa'i dus su// rin po che bsod nams seng ge'i drung du/ dus kyi 'khor lo'i dbang gis rgyud yongs su smin par mdzad nas/ sbyor ba yan lag drug khrid cha lag dang bcas pa sngon goms pa'i dbang gis 'bad rtsol med par thugs nyams su bzhes pa la brten nas/ so sor bsdus pa'i mthus gzung 'dzin gnyis su snang ba'i rnam par rtog pa thams cad 'gags shing du ba nas re khA nag po'i bar gyi rtags rnams mngon du shar te de nyid kyi bsam gtan gyi mthus mi g.yo bar mnyam par bzhag pas/ khams gsum la 'dod chags dang bral bar gyur to//
'on kyang de'i tshe na ji snyed pa'i snang tshul de dag la sgyur 'dzin gyi rnam par rtog pa phra mo ma bral bar snang ngo zhes gsung ngo//
de nyid kyi tshe na/ srog rtsol gyi mthus?mthu las rlung sems bde ba chen por 'dres pas rtsa dbu ma'i mdud pa rang sar grol te/ phyi nang gi chos thams cad la thogs pa med pa'i blo gros thob pa yin no//
der ma zad sngon dang phyi ma'i gnas mthong ba dang/ da ltar gyi gnas skabs su yang yul khams gang na ji ltar yod pa'i tshul thams cad mun khang gi nang de nyid nas gsal bar gzigs te/ dper na nyid kyi gcen pos gro sa'i chos grwar nyid kyi sku chos bsnams pa mthong bas de la ser sna'i rnam par rtog pa cung zad skyes so zhes gsung ba bzhin no//
yang bla ma gro sa pa mkhas btsun pa'i drung du/