[A:391]la ci dgar gzigs pa'i sgo phye ste/ de nas de nyid kyi drung du/ rgyud sde bzhi dang 'brel ba'i dbang bskur ba ni bsam gyis mi khyab ste/ rgyas par gsan yig las shes so//
de nas mkhan chen rgyal bzang pa'i drung du dpal dus kyi 'khor lo'i rdul tshon gyi dkyil 'khor du mngon par dbang bskur ba yongs su rdzogs par mnos shing// dbang phran dang/ byin rlabs dang/ rjes gnang la sogs pa bsam gyis mi khyab pa gsan no//
de nas thang po cher/ gangs can mkhas pa'i dbang po dpag tu med pas zhabs kyi pad mo la gtugs pa/ thang po che ba bla ma nyi ma pa'i drung du/ gsang ba 'dus pa mi bskyod rdo rje'i dkyil 'khor du mngon par dbang bskur zhing/ gzhan yang dbang dang byin brlabs la sogs pa mang du gsan no//
khyad par 'khor lo sdom pa'i rgyud che chung la legs par sbyangs so//
2.2.1.2.2
gnyis pa ni/ chos kyi rgyal po'i drung du/ rtsa ba'i rgyud brtag pa gnyis pa nyid kyi Ti ka'i steng nas gsan cing/ bka' bzhi pa mdzo dpon pa'i drung du/ phyis mtha' chod par gsan pa yin no//
mkhan chen rgyal bzangs pa'i drung du dus kyi 'khor lo'i rgyud/ 'grel chen dri med 'od dang bcas pa mtha' chod par gsan cing/ thugs su chud par mdzad pa yin no//
der ma zad mdor bsdus dang po'i bshad pa/ kyai'i rdo rje'i dka' gnas kyi bshad pa sogs mang du gsan no//
bla ma nyi ma'i drung du/ gsang ba 'dus pa'i rgyud sgron gsal dang bcas pa chag lo'i TI ka'i stengs nas mtha' chod par gsan cing/ rgyud phyi ma/ rdo rje phreng ba/ dgongs pa lung ston pa/ lha mo bzhis zhus/ de nyid bsdus pa'i rgyud/ sgrub thabs mdor byas mdo bsres/ rnam gzhag rim pa/ dkyil chog nyi shu pa rnams gsan cing/ ngan song sbyong rgyud/ sam pu Ta rnams kyang gsan no//
slob dpon sa skya