[A:390]tan du ma'i dpal gyis mdzes pa mkhan thog pa mkhan chen rgyal mtshan bzang po zhes snyan pa'i ba dan srid pa gsum na g.yo ba de'i drung du/ mtshan nyid theg pa'i chos du ma gsan pa ni bsam gyis mi khyab cing/ khyad par du shes rab kyi pha rol tu phyin pa'i mdo dang/ mngon par rtogs pa'i rgyan gyi man ngag 'grel pa che chung dang bcas pa bu Ti ki steng nas mtha' chod par gsan te/ dpal gsang phu ne'u thog dang chos grwa rtse thang gi chos sde chen po dang/ bde ba can rnams kyi tshogs pa rgya mtsho lta bu'i dbus su dka' chen bzhi'i bshad pa yongs su rdzogs par mdzad de/ bde bar gshegs pa'i gsung rab dgongs 'grel dang bcas pa thams cad la mkhas par mdzad pa yin no//
gzhan yang rje btsun red mda' pa dang/ rje btsong kha pa la sogs la gsan pa ni mangs te rgyas par ma bris so//
2.2.1.2
gnyis pa thun mong ma yin pa'i theg pas thugs rgyud sbyangs pa'i tshul la/ 2.2.1.2.1
dbang gis thugs rgyud ji ltar smin pa'i tshul dang/ 2.2.1.2.2
de nas rgyud la ji ltar sbyangs pa'i tshul/ 2.2.1.2.3
man ngag thugs nyams su ji ltar bzhes pa'i tshul dang gsum mo//
2.2.1.2.1
dang po ni/ 'dzam bu'i gling chos bzhin du skyong bar mdzad pa ta'i ming rgyal po'i cod pan la zhabs kyi rdul phreng rnam par bkod cing/ mtha' yas pa'i 'gro ba mtha' dag gi 'dren par gyur pa theg chen chos kyi rgyal po kun dga' bkra shis rgyal mtshan dpal bzang po'i drung du/ dbu ma lugs kyi sems bskyed lan gnyis kyis byang chub kyi thugs 'byongs par mdzad cing/ byang sems kyi bslab pa mtha' dag la rim gyis slob pa'i rten khyad par can gyi rten la/ kyai'i rdo rje man ngag lugs kyi rdul tshon gyi dkyil 'khor du mngon par dbang bskur zhing dam tshig dang sdom pa ma lus pa mnos te/ rdo rje 'chang chen po'i gsung gi gsang ba'i mdzod chen po