[A:390]ཏན་དུ་མའི་དཔལ་གྱིས་མཛེས་པ་མཁན་ཐོག་པ་མཁན་ཆེན་རྒྱལ་མཚན་བཟང་པོ་ཞེས་སྙན་པའི་བ་དན་སྲིད་པ་གསུམ་ན་གཡོ་བ་དེའི་དྲུང་དུ། མཚན་ཉིད་ཐེག་པའི་ཆོས་དུ་མ་གསན་པ་ནི་བསམ་གྱིས་མི་ཁྱབ་ཅིང། ཁྱད་པར་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་དང། མངོན་པར་རྟོགས་པའི་རྒྱན་གྱི་མན་ངག་འགྲེལ་པ་ཆེ་ཆུང་དང་བཅས་པ་བུ་ཊི་ཀི་སྟེང་ནས་མཐའ་ཆོད་པར་གསན་ཏེ། དཔལ་གསང་ཕུ་ནེའུ་ཐོག་དང་ཆོས་གྲྭ་རྩེ་ཐང་གི་ཆོས་སྡེ་ཆེན་པོ་དང། བདེ་བ་ཅན་རྣམས་ཀྱི་ཚོགས་པ་རྒྱ་མཚོ་ལྟ་བུའི་དབུས་སུ་དཀའ་ཆེན་བཞིའི་བཤད་པ་ཡོངས་སུ་རྫོགས་པར་མཛད་དེ། བདེ་བར་གཤེགས་པའི་གསུང་རབ་དགོངས་འགྲེལ་དང་བཅས་པ་ཐམས་ཅད་ལ་མཁས་པར་མཛད་པ་ཡིན་ནོ༎
གཞན་ཡང་རྗེ་བཙུན་རེད་མདའ་པ་དང། རྗེ་བཙོང་ཁ་པ་ལ་སོགས་ལ་གསན་པ་ནི་མངས་ཏེ་རྒྱས་པར་མ་བྲིས་སོ༎
2.2.1.2
གཉིས་པ་ཐུན་མོང་མ་ཡིན་པའི་ཐེག་པས་ཐུགས་རྒྱུད་སྦྱངས་པའི་ཚུལ་ལ། 2.2.1.2.1
དབང་གིས་ཐུགས་རྒྱུད་ཇི་ལྟར་སྨིན་པའི་ཚུལ་དང། 2.2.1.2.2
དེ་ནས་རྒྱུད་ལ་ཇི་ལྟར་སྦྱངས་པའི་ཚུལ། 2.2.1.2.3
མན་ངག་ཐུགས་ཉམས་སུ་ཇི་ལྟར་བཞེས་པའི་ཚུལ་དང་གསུམ་མོ༎
2.2.1.2.1
དང་པོ་ནི། འཛམ་བུའི་གླིང་ཆོས་བཞིན་དུ་སྐྱོང་བར་མཛད་པ་ཏའི་མིང་རྒྱལ་པོའི་ཅོད་པན་ལ་ཞབས་ཀྱི་རྡུལ་ཕྲེང་རྣམ་པར་བཀོད་ཅིང། མཐའ་ཡས་པའི་འགྲོ་བ་མཐའ་དག་གི་འདྲེན་པར་གྱུར་པ་ཐེག་ཆེན་ཆོས་ཀྱི་རྒྱལ་པོ་ཀུན་དགའ་བཀྲ་ཤིས་རྒྱལ་མཚན་དཔལ་བཟང་པོའི་དྲུང་དུ། དབུ་མ་ལུགས་ཀྱི་སེམས་བསྐྱེད་ལན་གཉིས་ཀྱིས་བྱང་ཆུབ་ཀྱི་ཐུགས་འབྱོངས་པར་མཛད་ཅིང། བྱང་སེམས་ཀྱི་བསླབ་པ་མཐའ་དག་ལ་རིམ་གྱིས་སློབ་པའི་རྟེན་ཁྱད་པར་ཅན་གྱི་རྟེན་ལ། ཀྱཻའི་རྡོ་རྗེ་མན་ངག་ལུགས་ཀྱི་རྡུལ་ཚོན་གྱི་དཀྱིལ་འཁོར་དུ་མངོན་པར་དབང་བསྐུར་ཞིང་དམ་ཚིག་དང་སྡོམ་པ་མ་ལུས་པ་མནོས་ཏེ། རྡོ་རྗེ་འཆང་ཆེན་པོའི་གསུང་གི་གསང་བའི་མཛོད་ཆེན་པོ་