[A:389]dge tshul gyi tshig le'ur byas pa che chung rgya cher 'grel pa/ shes rab byed pa/ 'grel chungtshung yon tan 'od ma/ mngon pa mdzod/ rang 'grel/ 'grel bshad gnyis dang bcas pa mtha' chod par gsan cing/ mngon pa kun las btus/ spyod 'jug/ dbu ma rtsa 'jug bzhi gsum 'grel pa dang bcas pa/ bslab btus/ skyes rabs/ rnal 'byor spyod pa'i sa chen po sogs/ theg pa che chung gi chos mang du gsan te/ dga' skyor zul la sogs pa 'dul mngon gyi grwa sa chen po rnams su grwa skor mdzad de/ mkhas pa'i grags pas khyab par mdzad pa yin no//
rgya mtsho chen po chu yi gter//
yin kyang chu bos ngoms pa med//
de bzhin yon tan rgya mtsho'i gter//
yon tan ma lus bsdud par byed//
zhes smras te/ de lta na'ang/ mkhas pa'i nga rgyal gyi rlom pa med par/ de'i dus kyi rtog ge pa thams cad kyi gtsug gi nor bur gyur pa/ byang ngam rings pa zla ba mgon po'i drung du thegs te/ gsung rab thams cad la blta ba'i mig lta bur gyur pa/ rgyas pa'i bstan bcos tshad ma rnam 'grel/ 'grel pa 'grel bshad dang bcas pa brgyad mtha' chod par gsan cing/ rtog ge smra ba la 'gran pa'i zla thams cad dang bral bar gyur ro//
de nas dpal sa skya'i tshogs chen po'i rigs pa smra ba brgya phrag gnyis dang bcas pa'i stong phrag gcig gi dbus su dka' chen gsum gyi bshad pa mdzad de/ thal ngag dbang po'i rdo rjes dregs pas myos pa'i phyir rgol ba stobs ldan dpung tshogs dang bcas pa pham par mdzad cing gus pa'i cod pan gyi rtse mo la khyod kyi yon tan mngon par sgrog pa'i g.yer kha'i sgra snyan phyogs bcur bsgrags pas dbus pa blo gsal rtsod pa'i seng ge zhes yongs su grags pa yin no//
de nas de tsam gyis kyang khengs pa med par mngon par mtho ba dang nges par legs pa'i yon