[A:8]grol//
gang yang phyogs bcu'i rgyal ba kun dang rgyal ba'i sras po thams cad pa//
rgyal yum mtha' yas khro bo'i dbang po gar dgu'i nyams ldan ma lus pa//
'dir ni gdan gsum zhes btags dkyil 'khor mkha' khyab dbyings rnams gcig bsdus pa//
ye shes lus can dang po'i sangs rgyas mkha' khyab mkha' yi rdo rje lags//
de slad sangs rgyas thams cad 'dus pa'i sku//
dus gsum rgyal ba'i mkhyen brtse gcig bsdus pa//
rab 'byams dkyil 'khor 'khor lo'i mgon po mchog//
gang la dad pas snying nas skyabs su mchi//
e ma rnam pa mtha' yas pa'i//
sgyu 'phrul dra ba'i zlos gar can//
gcig min du ma min pa'i tshul//
ye shes sgyu ma'i snang ba mtshar//
a la skyabs yul ma lus pa//
khyod nyid kho na'i rang bzhin nyid//
de phyir mos pa'i rjes 'brang bdag//
mang po'i bsam gtan g.yeng bas ci//
ba spu'i khung gcig nang son pa'i//
rab bkram dkyil 'khor nyer ston gang//
rdul gcig steng na rdul snyed kyi//
sangs rgyas nang gi spyod yul 'gyur//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ sngon byung gleng bslang gi skabs las bsgrags pa'i rab tu byed pa ste dang po'o// //
Chapter 2: 'khrungs pa'i skabs
da ni sku tshe 'di nyid kyi rnam par thar pa'i tshul zhib tu brjod par bya ste/ de'ang gzhan ngor bag ston shAkya'i bka' chems ji ltar mdzad pa ltar/ dpal gsang ne'u thog gi bshad grwa chen po'i zhabs su gyur pa'i/ gsang mda' bang rim zhes bya bar bltams pa'i tshul rjes su bstan pa'i gtam yang 'di ltar thos te/ de yang bdag nyid chen po gang gi yum du gyur pa ni/ spang kha chos sdings kyi btsun ma/ mkhan chen blo bzang phug par grags pa'i 'dul ba 'dzin pa de las sangs rgyas bstan pa'i sgor byon zhing/ rjes sor yab tu byon nas/ sgo yab mkhan po sangs rgyas bzang