[A:8]གྲོལ༎
གང་ཡང་ཕྱོགས་བཅུའི་རྒྱལ་བ་ཀུན་དང་རྒྱལ་བའི་སྲས་པོ་ཐམས་ཅད་པ༎
རྒྱལ་ཡུམ་མཐའ་ཡས་ཁྲོ་བོའི་དབང་པོ་གར་དགུའི་ཉམས་ལྡན་མ་ལུས་པ༎
འདིར་ནི་གདན་གསུམ་ཞེས་བཏགས་དཀྱིལ་འཁོར་མཁའ་ཁྱབ་དབྱིངས་རྣམས་གཅིག་བསྡུས་པ༎
ཡེ་ཤེས་ལུས་ཅན་དང་པོའི་སངས་རྒྱས་མཁའ་ཁྱབ་མཁའ་ཡི་རྡོ་རྗེ་ལགས༎
དེ་སླད་སངས་རྒྱས་ཐམས་ཅད་འདུས་པའི་སྐུ༎
དུས་གསུམ་རྒྱལ་བའི་མཁྱེན་བརྩེ་གཅིག་བསྡུས་པ༎
རབ་འབྱམས་དཀྱིལ་འཁོར་འཁོར་ལོའི་མགོན་པོ་མཆོག༎
གང་ལ་དད་པས་སྙིང་ནས་སྐྱབས་སུ་མཆི༎
ཨེ་མ་རྣམ་པ་མཐའ་ཡས་པའི༎
སྒྱུ་འཕྲུལ་དྲ་བའི་ཟློས་གར་ཅན༎
གཅིག་མིན་དུ་མ་མིན་པའི་ཚུལ༎
ཡེ་ཤེས་སྒྱུ་མའི་སྣང་བ་མཚར༎
ཨ་ལ་སྐྱབས་ཡུལ་མ་ལུས་པ༎
ཁྱོད་ཉིད་ཁོ་ནའི་རང་བཞིན་ཉིད༎
དེ་ཕྱིར་མོས་པའི་རྗེས་འབྲང་བདག༎
མང་པོའི་བསམ་གཏན་གཡེང་བས་ཅི༎
བ་སྤུའི་ཁུང་གཅིག་ནང་སོན་པའི༎
རབ་བཀྲམ་དཀྱིལ་འཁོར་ཉེར་སྟོན་གང༎
རྡུལ་གཅིག་སྟེང་ན་རྡུལ་སྙེད་ཀྱི༎
སངས་རྒྱས་ནང་གི་སྤྱོད་ཡུལ་འགྱུར༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། སྔོན་བྱུང་གླེང་བསླང་གི་སྐབས་ལས་བསྒྲགས་པའི་རབ་ཏུ་བྱེད་པ་སྟེ་དང་པོའོ༎ ༎
Chapter 2: 'khrungs pa'i skabs
ད་ནི་སྐུ་ཚེ་འདི་ཉིད་ཀྱི་རྣམ་པར་ཐར་པའི་ཚུལ་ཞིབ་ཏུ་བརྗོད་པར་བྱ་སྟེ། དེའང་གཞན་ངོར་བག་སྟོན་ཤཱཀྱའི་བཀའ་ཆེམས་ཇི་ལྟར་མཛད་པ་ལྟར། དཔལ་གསང་ནེའུ་ཐོག་གི་བཤད་གྲྭ་ཆེན་པོའི་ཞབས་སུ་གྱུར་པའི། གསང་མདའ་བང་རིམ་ཞེས་བྱ་བར་བལྟམས་པའི་ཚུལ་རྗེས་སུ་བསྟན་པའི་གཏམ་ཡང་འདི་ལྟར་ཐོས་ཏེ། དེ་ཡང་བདག་ཉིད་ཆེན་པོ་གང་གི་ཡུམ་དུ་གྱུར་པ་ནི། སྤང་ཁ་ཆོས་སྡིངས་ཀྱི་བཙུན་མ། མཁན་ཆེན་བློ་བཟང་ཕུག་པར་གྲགས་པའི་འདུལ་བ་འཛིན་པ་དེ་ལས་སངས་རྒྱས་བསྟན་པའི་སྒོར་བྱོན་ཞིང། རྗེས་སོར་ཡབ་ཏུ་བྱོན་ནས། སྒོ་ཡབ་མཁན་པོ་སངས་རྒྱས་བཟང་