[A:9]po bya ba'i spyan sngar lugs de dag dang 'brel ba'i sgom chos mang du gsan skabs kyi gzigs snang la/ rang gi sku lus stong gsal du shar ba'i dbu ma'i nang na/ shel gyi mchod rten dngas gsal 'od kyi rang bzhin du yod pa bzhugs pa cig yang yang byung bas/ yab pa mkhan chen la zhus pas/ khong re zhig mnyam par bzhag nas/ btsun ma khyed la sangs rgyas bstan pa 'dzin skyong spel bar nus pa'i skyes bu dam pa zhig 'khrungs pa'i ltas su 'dug// sngon rgya gar du bram ze ma gsal ba'i tshul khrims su grags pas/ bstan pa'i ched du rgyal rigs zhig dang 'grogs pa las 'phags pa thogs med dang/ bram ze'i rigs shig dang rjes su 'brel ba las/ slob dpon dbyig gnyen bskrun pa ltar yin pas/ da 'dir ma sdod par rang yul la log pa legs/ zhes ma 'ongs mngon mkhyen gyi bka' stsal ba ltar/ gsang mdar byon cing rnam thar rje dbondpon mar yang bram ze ma gsal ba'i tshul khrims kyi dper brjod gnang ba 'di la dgongs shing/ yab ni rnam thar rdor rgyal mar/ gsang phu'i slob dpon dpal ldan bzang por grags pa'i mkhas pa chen po de yin par byas la/ rnam thar gzhan gnyis las/ dpon drung dmag dpon pa mtshan dngos nam mkha' dpal 'bar bar grags pa der bzhed cing/ yar rgyab phyogs na khams pa dge rgan bsod nams blo gros zhes pa/ yi ge'i gnas la thon mi sambho Ta'i 'du byed la 'gran par bzod pa/ de nyid yin pa'i rgyu mtshan gtan tshigs kyang sgrog go//
yum gyi mtshan yang rnam thar rdor rgyal ma dang/ rnam thar rje dbon ma gnyis na shAkya bzang mo dang/ rnam thar ma ti ma las shAkya mdzes zhes 'byung bas/ skyor mo lung tshor zhib tu dris gtugs byas pas/ yum chos sgor ma zhugs skabs kyi mtshan shAkya bu 'dren dang/ dga' ldan phug par bstan pa'i sgor byon pa'i mtshan la shAkya mdzes bya/ phyis sgo