[A:44]med par byang chub tshul//
rig gnas mkhyen pa'i rol rtsed bro gar rtse//
spu mdog ming du rigs gcig nai tso'i khyu//
smra shes brjod pas mtshon zhing bkur 'os ltar//
rang rang che 'dzin byung rgyal mi sgrogs kyang//
mkhas par mtshon pa'i smra mkhas khyod las su//
paN chen ming bzhag sgra mdo klog mi phyed//
kun mkhyen mtshan sgrog tha snyad gzhung la rmongs//
thams cad mkhyen pa tshig gis dbul gyur pa'i//
gangs ri'i ljongs kyi dpyod ldan 'di 'dra mtshar//
ming la dga' 'dzin rang nyams phal pa'i srol//
rang bstod ngo 'jo'i phye 'thor blun po'i gshis//
blo gsal bye bas dpogs par ma nus tshe//
mkhas pa mkhas pa'i grangs su ring nas bsngags//
rgya gar yul dbus dregs ldan rab bkram gyis//
gang gi blo gros gzhal ba'i yul min la//
ma sbyangs yus kyis brgyal ba'i bod yul 'dir//
rgyu skar dbus na zla 'od bzhin du gsal//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ rig pa'i gnas la sbyangs tshul bstan pa'i skabs las rjes su bsgrags pa'i rab tu byed pa bdun pa'o//
Chapter 8: sngags gzhung rgya mtsho'i gnas la sbyangs pa'i skabs
de'i phyi lo shar pa paN chen rin po che nyid dgung lo nyer gnyis su phebs pas sa mo sbrul gyi lo/ na ning gi zhal bzhes skul byed 'phrang phu'i dpyid chos steng nas 'phral gyi dgos cha chibs kyi phyag phyi sogs 'phrang phu nas bsgrubs/ 'phrang phu ba'i kun spangs bsod nams bzang po ba'i drung yang dbang zhu ba la lhan cig phebs nas/ dpal ldan bla ma dam pa bsod nams rgyal mtshan dpal bzang pos byin gyis brlabs pa'i gnas snye thang chos rdzong du/ paN chen blo brtan bzhi pa'i drung du bsnyags nas gsol ba btab pas sngar zhal gyis bzhes pa ltar/ bcom ldan 'das rdo