[A:45]rje 'jigs byed ro langs brgyad kyis bskor ba'i brten bya rdul tshon gyi dkyil 'khor chen por mngon par dbang bskur ba legs par gsan zhing/ rigs kyi me tog gtso bos bzhes pa'i dbang las/ gsang mtshan yang dpal mi bskyod rdo rje zhes 'dogs par mdzad cing/ bka' las kyang/ rang re'i smin byed kyi dbang bskur thog ma rang rdo rje 'jigs byed rwa lugs 'di yin zhing/ brgyud pa 'di la rgya gar gyi la li ta badzra/ a mo gha badzra/ padma badzra/ rwa lo rdo rje grags/ rgya ston kun dga' brtson 'grus/ paN chen 'jam ral/ paN chen blo brtan bzhi pa'i bar zhal gzigs rang gi brgyud par 'dug pas/ byin rlabs kyang gzhal ba'i yul las 'das pa'i gzi 'od yod ces/ paN chen dpal ldan tshul khrims pas dbang gsan dus dngos su bka' las dgongs pa'o//
de mtshams ras bris la brten pa'i bde mchog lu hi pa'i dbang theg chen chos kyi rgal po las brgyud pa yang skabs der 'phrang bu kun spangs pas zhus pa'i zhor chos su gsan gsung zhing/ de mtshams gsang phu'i dbyar chos la thegs/ dbyar chos grol rjes/ de lo phar lam lha sa la byas jo mjal zhig byed pa yin gsung nas dpon slob kun lha sar phebs/ de dang dus mnyam du khams nas bag ston shAkya'i yum des phyogs vc: Emended to … de sa phyogs?kyi mgron po 'ongs pa yongs la da lta gsang phu'i mda' bang rim bya bar/ ma shAkya'i ming yod pa la 'khrungs pa'i skyes bu mtshan gyi thog mar shAkya yod pa'i sprul pa'i sku zhig 'byon rgyu yin pas/ gtam med dam zhes rgyun du 'dri ba las/ res shig gnas sgo ba'i khams pa blo gzhungs pa bdag nyid chen po nyid kyi gsung gi bdud rtsi'i bsgo skal thob pa dag cig gis bden gtam du bsnyad de/ khyed nyid kyi re ba'i 'bras bur gyur pa de ni ji skad smra ba ltar gsang mda' bang rim nyid du yum shAkya bzang mo