[A:43]ka byed blo tsab tsab byed mi dgos gsung/ rje btsun ma sgrol ma rnam par rgyal ma'i tshe bsgrub de gnang nas/ da lta'i chos 'khor rtsis 'di na spe chung zhig yod pa der sku mtshams bcad rgya ma cig mdzad nas/ thugs dam bzlas brjod 'grus par mdzad pas zhag 'ga' song ba na/ tho rangs cig paN chen rin po che nyid kyi gzigs snang la/ mdun gyi nam mkha' la sgrol ma gser gyi mdog can phyag tu gser gyi bum pa 'dzin pa'i mchu las/ 'chi med kyi bdud rtsi rje nyid kyi zhal du thigs pa'i rnam pa re re nas gnang ba'i tshe/ zhal bdud rtsi la gtad nas grangs thugs kyis btab pas/ drug cu re gcig gnyis la thigs pa phra ba tsam byung/ brgyad cu'i bar du gsol ba'i thugs nyams byung rjes/ sngar gyi bar chad rang grol gyur zhes/ paN chen nyid las drin can spyang lung bas sgrol ma 'di nyid kyi tshe bsgrub rgya ma dge slong ma mchog grub ma sogs thugs rjes lhag par skyong ba'i dad gus can gyi rdo rje spun 'ga' la rgya ma pa'i sangs rgyas dbon gyis byin gyis brlabs pa'i gnas su stsal dus/ yid ches pa'i lo rgyus la gces chos kyi che 'dzin du sbyar nas stsal zhes/ bdag la yang sgrol ma rnam par rgyal ma'i tshe bsgrub 'di bzlas pa lan gsum zhus dus/ re re la yang lo rgyus 'di nyid ma chad par bka' 'drin du mdzad pa'i cha las so//
de'i ston nA lendrar bdag po mthu stobs dbang phyug pa byon zhing/ rong ston chen po dang mjal skabs gur mgon dngos su gzigs zer grags pa g.yed che ba byung/ rang res phyag mjal las de dus bka' 'brel ni ma thob gsung zhes rdo rings kun spangs rin po che'i gsung sgros so//
skye bar goms pas shes bya'i gnas kun la//
'dab chags mkhar spyod gser mig chur 'phyo ltar//
ngang gis dka' ba