[A:32]srol yang thos// zhes dang/ mchan la/ de dmarsmar ston rgya mtsho rin chen zhes 'byung zhing/ las brgya'i TI ka ba dan dkar po'i rnga dbyangs kyi mjug na yang/
yongs kyi bshes gnyen shAkya rgyal mtshan dpal//
'dul mngon rgya mtsho rgya mtsho rin chen zhabs//
bsod nams chu gter tshul khrims rlabs phreng can//
de sras thu bo don yod mkhyen brtse'i dpal//
zhes gang las rgya che 'dul ba'i chos tshul legs par gsan tshul gyi khungs ston par mdzad de/ des na 'dul ba'i bshad brgyud ma chad pa'i bslab sbyangs la nan bskyed du gnang zhing/ dgung lo bcu bdun du phebs pa shing pho byi ba'i lo slar gsang ne'u thog gi bshad grwa nyid du phebs te/ rje don yod dpal las/ mngon pa kun las btus pa'i bshad pa gsan zhing/ de skabs dgongs re bzhin gzhung tshig re nas dris lan gyis snyan gtses pas/ rje don yod dpal ba'i bka' lung la/ nyid devc: or: nge?ba 'di 'dra'i zhib dpyod sngon chad ni 'dri mi ma byung/ rang res rong ston chen po'i spyan sngar yang gzhung tshig 'bru gnyer bshad pa de tsam las ma thos/ da dung a pho rgan pos chu bo rir bzad pa blo rgyam pa'i rtsar phyin la sbyangs nas bshad kyis gsung ba dang/ 'dul ba'i dka' phrang la khol du phyung ba'i zhib bshad phul bas mnyes nas/ da dung a pho yang 'dul 'dzin zhig la brdar sha rang gcod dgos par snang ngo//
zhes bdag nyid chen po gang gi bslab sbyangs kyis thugs phrogs te/ thos pas mi ngoms pa'i spobs pa gong du slob dpon mchog gis kyang dgongs par 'gyur ba byung zhes de dus kyi rje don yod dpal ba'i grwa rgan mnga' ris dbu legs pa yon tan grags pa gsung zhes/ bdag gi gnas kyi slob dpon dge slong thugs rje dpal mgon pa'i ngag las lan mang du thos pa las so//
der yongs su grags pa'i gzhung lugs rab 'byams la rang dang gzhan gyi grub pa'i mtha' rgya mtsho'i