[A:31]bcu'i mchod zhing nyid du de dus 'dug pa nas/ lung sde bzhi'i lung 'phro de yang ma chag tsam las/ 'gro yang lhag par chung bas de'i phyi lo dgung lo bcu drug gi stengs su phebs pa chu mo phag lo'i dpyid sos bar gnas de nyid du rtag par bzhugs pa gnang zhing/ de lo slob dpon 'ga' khang pa'i drung du dam pa'i chos mngon pa mdzod kyi bshad pa mtha' bcad che long tsam dang/ rgyal sras thogs med pas mdzad pa'i theg chen mdo sde rgyan/ rgyud bla/ spyod 'jug gsum gyi rnam bshad so so gzhung sbyor gyi bshad lung rgyal sras bka' 'bum thor bu ba/ byang chub sems dpa'i skye rabs dpa' bos mdzad pa rnams gsan/ der 'dul ba lung gi lung yang legs par rdzogs rjes re tsag gi jo mo'i rten mjal tsam gnang nas yab la brgyud do//
de'i dbyar chos ring nA lendrar bzhugs/ rong ston chen po nyid kyi zhal snga nas 'dul mdzod kyi spyi bshad rags pa tsam dang/ 'dul ba me tog phreng rgyud nyid kyi rnam bshad steng nas ljen pa dang/ lhag par de lo'i dbyar chos de la dbu ma rang rgyud shar gsum gyi zhib 'grel rgyas bshad pa tshab nas zhang thang sag pa la brgyud pa'i dbu ma'i lta khrid de yang gsan gsung ngo//
der ston chag la gro sar thegs nas/ dmarsmar ston rgya mtsho rin chen pa'i spyan sngar mdzod kyi bshad pa zhib pa dang/ khyad par mdo rtsal rgya cher 'grel sbyar ba'i thugs bshad tshar gnyis sngon gyi bya 'dul ba 'dzin pa dang/ rgya 'dul/ sha mi 'dul 'dzin/ thag ma pa dpal chen/ mkhas pa mtsho sna pa sogs rgya bod kyi 'dul ba 'dzin pa ma lus pa'i bzhed srol mtha' dag rgya cher bkrol ba'i spyi bshad rlabs po che gsan zhing/ 'od ldan dang karma sha taM yang gsan/ gangs can gyi 'dul ba'i gnad ma lus pa legs par dgongs shing/ sngar gyi 'phros las/ gzhan du lugs brgya ldan pa'i