[A:32]སྲོལ་ཡང་ཐོས༎ ཞེས་དང། མཆན་ལ། དེ་དམརསྨར་སྟོན་རྒྱ་མཚོ་རིན་ཆེན་ཞེས་འབྱུང་ཞིང། ལས་བརྒྱའི་ཊཱི་ཀ་བ་དན་དཀར་པོའི་རྔ་དབྱངས་ཀྱི་མཇུག་ན་ཡང།
ཡོངས་ཀྱི་བཤེས་གཉེན་ཤཱཀྱ་རྒྱལ་མཚན་དཔལ༎
འདུལ་མངོན་རྒྱ་མཚོ་རྒྱ་མཚོ་རིན་ཆེན་ཞབས༎
བསོད་ནམས་ཆུ་གཏེར་ཚུལ་ཁྲིམས་རླབས་ཕྲེང་ཅན༎
དེ་སྲས་ཐུ་བོ་དོན་ཡོད་མཁྱེན་བརྩེའི་དཔལ༎
ཞེས་གང་ལས་རྒྱ་ཆེ་འདུལ་བའི་ཆོས་ཚུལ་ལེགས་པར་གསན་ཚུལ་གྱི་ཁུངས་སྟོན་པར་མཛད་དེ། དེས་ན་འདུལ་བའི་བཤད་བརྒྱུད་མ་ཆད་པའི་བསླབ་སྦྱངས་ལ་ནན་བསྐྱེད་དུ་གནང་ཞིང། དགུང་ལོ་བཅུ་བདུན་དུ་ཕེབས་པ་ཤིང་ཕོ་བྱི་བའི་ལོ་སླར་གསང་ནེའུ་ཐོག་གི་བཤད་གྲྭ་ཉིད་དུ་ཕེབས་ཏེ། རྗེ་དོན་ཡོད་དཔལ་ལས། མངོན་པ་ཀུན་ལས་བཏུས་པའི་བཤད་པ་གསན་ཞིང། དེ་སྐབས་དགོངས་རེ་བཞིན་གཞུང་ཚིག་རེ་ནས་དྲིས་ལན་གྱིས་སྙན་གཙེས་པས། རྗེ་དོན་ཡོད་དཔལ་བའི་བཀའ་ལུང་ལ། ཉིད་དེvc: or: nge?བ་འདི་འདྲའི་ཞིབ་དཔྱོད་སྔོན་ཆད་ནི་འདྲི་མི་མ་བྱུང། རང་རེས་རོང་སྟོན་ཆེན་པོའི་སྤྱན་སྔར་ཡང་གཞུང་ཚིག་འབྲུ་གཉེར་བཤད་པ་དེ་ཙམ་ལས་མ་ཐོས། ད་དུང་ཨ་ཕོ་རྒན་པོས་ཆུ་བོ་རིར་བཟད་པ་བློ་རྒྱམ་པའི་རྩར་ཕྱིན་ལ་སྦྱངས་ནས་བཤད་ཀྱིས་གསུང་བ་དང། འདུལ་བའི་དཀའ་ཕྲང་ལ་ཁོལ་དུ་ཕྱུང་བའི་ཞིབ་བཤད་ཕུལ་བས་མཉེས་ནས། ད་དུང་ཨ་ཕོ་ཡང་འདུལ་འཛིན་ཞིག་ལ་བརྡར་ཤ་རང་གཅོད་དགོས་པར་སྣང་ངོ༎
ཞེས་བདག་ཉིད་ཆེན་པོ་གང་གི་བསླབ་སྦྱངས་ཀྱིས་ཐུགས་ཕྲོགས་ཏེ། ཐོས་པས་མི་ངོམས་པའི་སྤོབས་པ་གོང་དུ་སློབ་དཔོན་མཆོག་གིས་ཀྱང་དགོངས་པར་འགྱུར་བ་བྱུང་ཞེས་དེ་དུས་ཀྱི་རྗེ་དོན་ཡོད་དཔལ་བའི་གྲྭ་རྒན་མངའ་རིས་དབུ་ལེགས་པ་ཡོན་ཏན་གྲགས་པ་གསུང་ཞེས། བདག་གི་གནས་ཀྱི་སློབ་དཔོན་དགེ་སློང་ཐུགས་རྗེ་དཔལ་མགོན་པའི་ངག་ལས་ལན་མང་དུ་ཐོས་པ་ལས་སོ༎
དེར་ཡོངས་སུ་གྲགས་པའི་གཞུང་ལུགས་རབ་འབྱམས་ལ་རང་དང་གཞན་གྱི་གྲུབ་པའི་མཐའ་རྒྱ་མཚོའི་