[A:11]bde blag tu ma mtshon zhing ma go bar btsun ma rang gi bu la dga' gdung che zhes sgrog ces kyang thos so//
der lo ngo gsum tsam du yum de nyid kyis bkur sti dang bsti stang gi gtsang sbras dag pa'i zhabs tog legs par phul nas/ slar sprul pa'i sku nyid nar son pa'i snang bas yid tshim pa thob ste/ yum rang gi gnyen dang 'brel pa 'dzin zhing/ chos kyi dam tshig gis 'brel ba'i spang kha chos sdings pa'i btsun ma a ne bsam grub 'dren ma bya ba zhig la yongs su gtad de/ nga'i byis pa 'di nyon mongs pas bskyed pa min zhing/ 'dis sangs rgyas kyi bstan pa rin po che 'dzin zhing spel bar byed pa'i mthu dang ldan pa nyid yin pas gtsang sbras mtho ba'i gces spras su mdzod ces phrin du bzhag nas sprul pa mo de ni/ na ba sogs kyi snang ba ci yang med par gang gang nas 'ongs pa'i zhing mkha' la spyod pa'i pho brang der yud kyis thegs so//
de mtshams rje nyid rang yum gyi rang dbang du gyur pa'i dngos po phra ba dag cig kyang lhan du/ skyor mo lung gi chos sde'i lho phyogs kyi spang kha chos sdings zhes grags pa'i dben dgon der byon zhing/ phyis paN chen rin po che nyid gtsang nas phebs res cig/ skyor mo lung gi 'ga' khang grwa tshang du spyan drangs pa'i phyags phyir mnga' ris pa'i grwa pa 'ga' res kyang phyin pas/ grwa tshang gi chu ban zhig spyan gyis gzigs 'phral dge skos la/ de ga re gsungs/ sku mdun du bzhag pa de la phyag sor gyis yang yang reg cing/ 'di nga'i ma de'i yin zhes brtse gdung gi rnam pa chen po ston pa gnang zhes/ de dus gral yod pa'i drung btsun shes rab dpal 'byor ba'i gsungs las dngos su thos pa sems la bzhag nas/ phyis skyor mo lung du phyin skabs/ 'ga' khang pa'i chen po ba la rtsad bcad pas yod zer/ spos kyi dud pas spyan drangs nas/ dad pa'i bgo skal mi dman pa'i dbang las/ bdag cag gis phyag bstab pa dang/ spyi bor