[A:10]yab lugs kyi zhis byed dge slong ma mdzad dus shAkya bzang mo ste/ mkhan po sangs rgyas bzang po'i mtshan nas drasgras gnang ba yin zhes gleng la/ de lta bu'i yum de'i lhums su me mo lug gi lo vc: 1427la byon zhing/ nam zhig mngal 'dzin pa'i zla ba rdzogs nas sa pho spre'u'i lo la bde bar bltams zhes grags so//
yon tan phung po sa 'dir shong min yang//
zla ba bcu zhig mngal du 'dzin nus pa//
e ma skal ldan khyod kyi yum des ni//
sangs rgyas rnams la bya ba byas par nges//
grub chen gzigs pa'i ye shes rgya che bas//
yum gyur yang yang shAkya'i mtshan 'dzin pa//
bsam bzhin skye ba'i gnas la dbang 'byor pa'i//
sa gnas sems dpa'i mdzad pa ya mtshan gnas//
bden gsungs brdzun bral nges shes dag pa'i tshig//
rab brtan rdo la lcags gzong gis bris 'dra//
sngon gyi yum gyis gang gsung dbyangs blangs tshe//
da lta'i bu slob yongs kyi som nyi bsal//
dman ngor gzhan snang 'dren pa'i mig 'phrul 'di//
rgyal rnams byis pa'i spyod yul lhur len tshul//
brtse ldan ma ma zho 'thung byis pa'i blo//
ngang gis 'dren pa'i dpe yi rjes su mtshon//
der lhums nas byon pa'i skabs nyid nas/ shin tu gya nom pa'i dri bzang po'i ngad kyis nang gi khyim ma lus pa khyab par byas/ yum la yang gnod pa'i 'tshe ba gang yang med par rmi lam gyi rol mo ltar bstan nas sku'i rnam pa nyid mthong ba'i dga' ba rgya chen spel lo//
der byis pa'i tshul rjes ston gyi skabs dag na/ yum gyi nu zho tsam las gzhan pa'i zas gang la'ang chags bral du mdzad cing/ rtag tu mnal ba'i zol gyis ting nge 'dzin nyid bdag gir gnang bas/ bu rdzi dag gis/ 'di ci zhes yang yang sad par byed pa la/ yum nyid kyis brda' sprod par mdzad de/ ci gnyid zhig na mig mi 'dzum par 'dug gam/ 'di ni 'od gsal ba'o// zhes gsungs pas/ khong dag gis