[A:12]len pa'i skal ba yang mchog tu thob bo//
der spang kha chos sding su dgung lo ngo gsum du gzigs tsam la phebs shing/ sku gzhon nu nas der bzhugs pas/ skyor mo lung pa rnams chos rje chen po ba nged kyi spang kha chos sdings su bltams zhes kyang smra'o//
de skabs bal po a su'i gdung rgyud dngos grub sdings kyi dgon pa nas/ bla ma sngags 'chang bgres po mtshan rta mgrin yang dag grub pa zhu ba las rta mgrin gyi bka' legs par nod cing/ mtshan yang rta mgrin mgon por gsol lo//
bka' las nged rang byis pa'i dus 'brug sgra ser ba rlung nag sogs la sdig 'dzub gtad/ da lta'i rta mgin sngags 'di las mang ba zhig blo la 'dug pa de bzlas pas thub pa yod gsung zhing/ da lta'i sngags zhes pa gsar ma'i rta mgrin yongs khyab yin la/ phyis dngos grub sdings kyi bla mas bos nas dgon gnas der bdag gis phyin skabs de'i tshul rtsad bcad pas/ rta mgrin lcags ral rnying ma lugs/ sngags 'bru yang pi sha tsi sha za'i sgra ltar yod pa zhig kyang 'dug go// bla ma 'di yang bshes gnyen dam pa bcu phrag bzhi'i bri bya dang yi ge gnyis ka la mi bzhugs so//
de ltar sprul pa'i sku de rab bzhag nas//
sprul pa'i yum mchog mkha' spyod zhing la bzhud//
sprul pas sprul pa'i snang ba rjes spel ba//
sgyu mas sgyu ma'i snang ba 'dor len 'dra//
gtsang dag dben pa'i ri khrod der//
chags med ri dgas phru gu bzhin//
sdig bral zas kyis nyer 'tsho ba//
khyod kyi rnam thar rjes su dran//
dga' ldan lha gnas bdud rtsi'i btung ba la//
mi sred dman gnas chu gtsang gis ngoms pa'i//
rab zhi drang srong khyod la gus pa'i yid//
drangs pa med kyang dad pa'i shugs der song//
panyca li ka'i lha rdzas gos mchog dag//
sbrul shun bzhin du dor nas snal ma'i gos//
khrel yod ngo tsha'i tshul gyis legs bgos khyod//
gos mchog tshul khrims rgyan gyis