[A:372]gi bar du yang/ lha de gnyis kyi sku bkrag dang gzi mdangs shin du che/ rdul mi chags/ ngo skal gyi mar me phul ba'i tshe 'dzin gyin snang ba ni mngon sum gyis grub po//
yang rong ngur mig na bzhugs pa'i tshe/ mchod rten chen po zhig gi nang na de dus kyi mi su la yang rgyus med par rje btsun byams pa'i sku gcig la chu'i thigs pas 'o brgyal gyin yod par gzigs nas/ zhig gsos mdzad pas mngon shes mang bar kun la grags pa dang/ yang gsang phu'i nang gi mi g.yo phug pa dang/ 'jam dbyangs phug par re mos kyi bzhugs pa'i tshe/ lhag pa'i lha de gnyis kyi zhal mthong zhing thugs rgyud la thim pa'i snang ba byung ba yin zhes bu slob kun la grags pa dang/ kho bos kyang mkhan chen rin po ches ni lhag pa'i lha mang po'i zhal gzigs 'dug/ chos rje'i zhal snga nas kyang gzigs lags sam ces zhus pas/ skye med kyi don rtogs na lhag pa'i lhas zhal ston pa yin/ de'i tshe na lha la mang nyung med/ bzang ngan ni rang re'i rtogs pa mtho ba tsam gyi lha bzang du 'gro ba yin/ rang re la stong nyid kyi lta ba med na lha mthong yang bzang po yin pa'i nges pa med ces gsung ngo//
yang nA len drAr tho rangs kyi dus zhig tu kha che paN chen dngos su byon nas/ bde mchog dkar po'i byin rlabs dang tshe bsgrub gnang/ mgon po klu sgrub kyis mdzad pa'i byang chub sems 'grel kyi glegs bam dbu thog tu bzhag nas byin gyis brlabs so zhes thugs kyi sras dam par gyur pa slob dpon nam mkha' dpal ldan la gsungs so//
rten 'brel la dbang 'byor pa'i tshul ni/ bu dang nor med pa rnams la khyod la bu skye bar gyur cig/ nor phyug po 'ongs