[A:373]par shog cig ces gsung zhing/ nges kyang de la mos gus byas na de kho na 'byung bar mngon sum gyis grub pa'i lo rgyus mang po dang/ dug nad byung ba rnams la dug sos par gyur cig ces pa'i tshig rjen pa de nyid lan bdun chu la btab nas byin pas dug nad las grol ba mang po dang/ de bzhin du mig dang/ so dang/ lag pa la sogs pa gang na ba la de med par gyur cig ces gsung nas bsrung skud btags pas de ma thag tu nad las grol bar mthong ngo//
dper mtshon na mus pa'i dge slong blo rin zhes pa mos gus can zhig gis byin rlabs zhus pas thugs spro bzhengs pa ltar mdzad de/ phyag 'khar gyis ro stod la lan gsum brabs byung pas/ 'khrugs kyi nad gzhi chen po lo du ma'i bar du na ba zhig yod pa de las grol lo zhes khong rang gsung ba dang/ shel grong pa'i dpon po rdo ra zhes pas na bza' phul nas/ bu 'byung ba'i bden tshig zhus pas de kho na ltar byung ba dang/ nA lentrAr chos gsung ba'i bzhugs gdan gyi steng du/ rgyun du sdod pa'i khyi gu gcig yod pa de la dus gcig gi tshe/ thugs spro bzhengs nas phyag gis bsnun pas/ chos ma grol gyi bar du shi/ bzhugs gdan la bzhengs la khad pa'i tshe/ phu phu zer ba gsum dang/ zhal gyi mchil ma gcig btab pas kho yang langs nas song ba sogs brjod kyis mi lang ngo//
yang dgung lo bdun cu don lnga pa la/ shel grong gi gtsug lag khang du mig mkhan dka' bzhi pas gser gyi thur mas spyan phye ba'i tshe/ mnyam gzhag thun gcig la mnyam par bzhag pas/ gzhan gyis phyag nas 'dzin dgos pa la sogs pa'i brel ba gang yang ma byung zhing/ mig mkhan gyis thur ma hril gyis bsgril ba'i tshe/ sngon