[A:371]ba'i seng ge zhes grags/ sngon kA ma la shi la'i mkhan po dharmA shI la ces bya ba nA lenTA'i phyogs kyi sgo bzhi ka'i bsrung ma mdzad nas/ phyogs bzhi'i mu stegs rnams pham par byas pa de/ rin po che sangs rgyas dpal yin pa'i lo rgyus ni rje nyid kyis gsung ngo//
yang rje btsun dam pa rgya gar ni/ rje btsun byams pa la chos dngos su gsan/ rten 'brel sna tshogs la mnga' brnyes/ gang la gang phan gyi sngags byin gyis brlabs pa'i nus pa dang ldan/ chu bo chen po la mi 'bying bar gshegs/ rdo la zhabs kyi rjes 'jog/ khyi la sogs pa sems can gtum po 'ga' zhig lan cig gsad nas phyis gsos pa la sogs pa'i phrin las mdzad pa de bzhin du/ kho bo cag gi rje btsun dam pa 'dis kyang/ chos khri'i steng nas chos mtshams chen mo mdzad pa'i nyin/ chos khri'i steng thams cad kyi nam mkha' la rje btsun byams pa'i zhal mngon sum du mthong/ phyag ring po brkyang nas byung zhes slob dpon nam mkha' dpal ldan la gsungs pa dang/ yang khong gis rje btsun gyi phyag brten nas chos khrir chos gsungs pa la thegs kyin yod pa'i tshe/ sangs rgyas la byang sems kyis bskor ba mang po mthong gsung/ de rnams gang dang gang lags zhu dgos bas ma yod pa la cung zad zhu ma nus pa'i bar der/ phyag 'bul ba mang po byung nas rjed do ces zer ba dang/ yang nA lenTA'i gzim khang gi zhol khyams chen mo'i logs bris la phyag nas mdzad pa'i nyin/ zhal nas mi g.yo ba la mi g.yo ba song ngo// gur mgon la gur mgon song ngo zhes gsung/ de'i nyin ku re mdzad pa yin par go yang/ dus phyis ding sang