[A:371]བའི་སེང་གེ་ཞེས་གྲགས། སྔོན་ཀཱ་མ་ལ་ཤི་ལའི་མཁན་པོ་དྷརྨཱ་ཤཱི་ལ་ཅེས་བྱ་བ་ནཱ་ལེནྚཱའི་ཕྱོགས་ཀྱི་སྒོ་བཞི་ཀའི་བསྲུང་མ་མཛད་ནས། ཕྱོགས་བཞིའི་མུ་སྟེགས་རྣམས་ཕམ་པར་བྱས་པ་དེ། རིན་པོ་ཆེ་སངས་རྒྱས་དཔལ་ཡིན་པའི་ལོ་རྒྱུས་ནི་རྗེ་ཉིད་ཀྱིས་གསུང་ངོ༎
ཡང་རྗེ་བཙུན་དམ་པ་རྒྱ་གར་ནི། རྗེ་བཙུན་བྱམས་པ་ལ་ཆོས་དངོས་སུ་གསན། རྟེན་འབྲེལ་སྣ་ཚོགས་ལ་མངའ་བརྙེས། གང་ལ་གང་ཕན་གྱི་སྔགས་བྱིན་གྱིས་བརླབས་པའི་ནུས་པ་དང་ལྡན། ཆུ་བོ་ཆེན་པོ་ལ་མི་འབྱིང་བར་གཤེགས། རྡོ་ལ་ཞབས་ཀྱི་རྗེས་འཇོག། ཁྱི་ལ་སོགས་པ་སེམས་ཅན་གཏུམ་པོ་འགའ་ཞིག་ལན་ཅིག་གསད་ནས་ཕྱིས་གསོས་པ་ལ་སོགས་པའི་ཕྲིན་ལས་མཛད་པ་དེ་བཞིན་དུ། ཁོ་བོ་ཅག་གི་རྗེ་བཙུན་དམ་པ་འདིས་ཀྱང། ཆོས་ཁྲིའི་སྟེང་ནས་ཆོས་མཚམས་ཆེན་མོ་མཛད་པའི་ཉིན། ཆོས་ཁྲིའི་སྟེང་ཐམས་ཅད་ཀྱི་ནམ་མཁའ་ལ་རྗེ་བཙུན་བྱམས་པའི་ཞལ་མངོན་སུམ་དུ་མཐོང། ཕྱག་རིང་པོ་བརྐྱང་ནས་བྱུང་ཞེས་སློབ་དཔོན་ནམ་མཁའ་དཔལ་ལྡན་ལ་གསུངས་པ་དང། ཡང་ཁོང་གིས་རྗེ་བཙུན་གྱི་ཕྱག་བརྟེན་ནས་ཆོས་ཁྲིར་ཆོས་གསུངས་པ་ལ་ཐེགས་ཀྱིན་ཡོད་པའི་ཚེ། སངས་རྒྱས་ལ་བྱང་སེམས་ཀྱིས་བསྐོར་བ་མང་པོ་མཐོང་གསུང། དེ་རྣམས་གང་དང་གང་ལགས་ཞུ་དགོས་བས་མ་ཡོད་པ་ལ་ཅུང་ཟད་ཞུ་མ་ནུས་པའི་བར་དེར། ཕྱག་འབུལ་བ་མང་པོ་བྱུང་ནས་རྗེད་དོ་ཅེས་ཟེར་བ་དང། ཡང་ནཱ་ལེནྚཱའི་གཟིམ་ཁང་གི་ཞོལ་ཁྱམས་ཆེན་མོའི་ལོགས་བྲིས་ལ་ཕྱག་ནས་མཛད་པའི་ཉིན། ཞལ་ནས་མི་གཡོ་བ་ལ་མི་གཡོ་བ་སོང་ངོ༎ གུར་མགོན་ལ་གུར་མགོན་སོང་ངོ་ཞེས་གསུང། དེའི་ཉིན་ཀུ་རེ་མཛད་པ་ཡིན་པར་གོ་ཡང། དུས་ཕྱིས་དིང་སང་