[A:370]phub pa bzhin du gyur te/ de la dam pas me tog 'thor bas me tog gi dra ba dang/ dra ba phyed pa'i tshul gyis 'phyang bar gyur to//
slar yang glegs shing gi steng du go rims ma 'khrugs par babs pa zhig yod pa de la/ yum dga' ldan ma zhes nyi ma ltar grags so//
dus phyis kho bo cag gi bdag nyid chen po 'dis rgyal lug lha sa?lhas gser gyi lha khang gi byams chen gyi drung du/ yum dga' ldan ma spyan drangs nas mtshan mo sgron me'i 'od kyis gzigs rtog mdzad pa'i tshe/ sngon dam pa rgya gar gyis yum gyi rab tu gnas pa ji ltar mdzad snyam du dgongs pa de'i tshe/ nam mkha' la sgra grags pa ni/
gang gis stong dang rten 'byung ngag?dag //
dbu ma'i lam du don cig par//
gsung mchog mtshungs pa med pa yi//
thub dbang de la phyag 'tshal lo//
zhes brjod nas me tog 'thor ba yin zhes pa'i sgra grags par rje nyid las rgyal pa ha ri sim has thos nas bshad do//
yang bdag nyid chen po thang sag na bzhugs pa'i tshe/ lha rtse'i brag ces pa rje btsun dam pa rgya gar gyi sgrub gnas der dbu ma snying po'i don la thugs bsam mdzad pa'i tshe/ tho rangs shig gi dus su/
snying po'i don la snying po med//
snying po med pa snying po yin//
snying po 'dod na ding ri na//
sdug bsngal zhi bar byed pa yod//
zhes bya ba'i sgra gsan/ de la brten nas phyis ding rir zhi byed gsan pa la byon pa yin pa'i lo rgyus ni/ rje nyid kyis zhi byed kyi skor rnams rgyas par gsungs pa'i slob ma rtogs ldan gyi thul ba zhes bya ba dang/ bla ma chos skyongskyeng rgya mtsho gnyis 'thun par gsung ngo//
yang bdag nyid chen po 'di'i mtshan la/ dam pa'i mtshan dang 'thun par smra