[A:369]slob ma rnams gral la 'khod pa'i sa cha'i rims pa thugs nyams la gsal bar shar/ de'i phyir nyin snar thang gi sde dang gong mnyam pa yin zer ba'i bcom ral gyi phyag dpe stong phrag nyi shu lnga pa'i rgya dpe po ti gnyis yod pa de dang/ mchims nam mkha' grags kyi thugs dam gnas brtan bcu drug gi bris sku byin rlabs can de yang rang shugs kyis phyag tu babs so//
slob dpon rigs pa'i ral gri 'di yang mkhas pa'i dbang po kA ma la shi la dang rgyud gcig pa'i gtam du ma snang ste/ zhib tu gzhan las btsal bar bya'o//
kho bo cag gi bdag nyid chen po 'di dang/ bcom ldan pa ni grub pa'i mtha' dang/ rtsom pa'i babs gcig tu snang zhing/ rten 'brel sgyu mar thugs su chud pa'i rnal 'byor la mnyam rjes mi mnga' zhing/ 'jig rten chos brgyad kyi 'khrul pa thams cad rang sar zhig pa'i tshul la ches shin tu mtshungs pa'i ngo mtshar can gyi gtam du ma zhig snang ngo//
2.3.2
rje btsun dam pa rgya gar gyi thugs kyi sprul pa ji ltar yin pa'i tshul/
gnyis pa ni/ kho bo cag gi bdag nyid chen po 'di la/ rje btsun dam pa rgya gar gyi mdzad pa phrin las thams cad mnga' ba yin te/ spyir yum shes rab kyi pha rol du phyin pa'i chos lugs la mkhas shing dbang 'byor/ khyad par sher phyin bka' babs drug gi nyams su len pa'i lam rim gyi bstan bcos chen po mdzad/ sngon rje btsun dam pa rgya gar gyi 'phan yul rgyal gyi lung par lo gsum bzhugs/ yon bdag zhig gis yum rgyas pa la rab gnas zhus pas/ kho cung zad yid ma ches pa'i tshe yum gyi shog bu thams cad nam mkha' la rlung gis spyan 'dren du bcug/ de'i tshe nam mkha'i dbyings shin du mtho ba na gdugs