[A:368]ces zhus pas/ lo ke shwa ra dang grogs po byas/ byams pa mgon po la bgro gleng btang/ zhes gsungs pas sa bcu par zhal gyis bzhes pa yin no//
de ltar grub pa brnyes pa'i skyes bu chen po des/ bod du lan gsum byon pa'i tshe/ mkhas pa paNDi ta'i tshul ma bzung bar grub pa brnyes pa'i rnal 'byor gyi dbang phyug chen po'i tshul bzung nas/ dam pa'i chos ni sdug bsngal rab tu zhi bar byed zhes bya ba/ zhes yongs su grags pa yum shes rab kyi pha rol du phyin pa'i lta sgom spyod 'bras kyi rnam bzhag rgyas par gsungs so//
2.3
drang don du dge ba'i bshes gnyen du tshul bzung nas sprul pas 'gro don phyogs med du mdzad pa'i tshul/
gsum pa ni/ 2.3.1
bdag nyid chen po 'di kA ma la shI la'i skye ba ji ltar yin pa'i tshul/ 2.3.2
rje btsun dam pa rgya gar gyi thugs kyi sprul pa ji ltar yin pa'i tshul lo//
2.3.1
bdag nyid chen po 'di kA ma la shI la'i skye ba ji ltar yin pa'i tshul/
dang po ni/ rje btsun 'dis/ bsam yas su kA ma la shI la'i chos khri mjal du byon pa na/ sngon chos khri'i steng du chos gsungs pa snyam byed/ dbu ma snang ba dang/ sgom rim thog mtha' bar gsum gyi gzhung gzigs pa tsam gyis thugs la chud/ snang ba nas 'byung ba'i slob dpon zla ba grags pa 'gog pa'i rigs pa de 'thad par gzigs nas/ zla ba la 'gog pa ltar mdzad pa'i rigs pa mang du gsung/ bdag nyid chen po 'dis mdzad pa'i gsung rab rnams kyi nang nas/ sgom rim gyi TI ka gsum po de khyad par du 'phags shing rnam pa gsal/ byang chub sems dpa' zhi ba'i tsho ni mkhan po rnam snang mdzad bzang po dang don gcig yin no ces gsung zhing thugs shin du dad/ yang bdag nyid chen po 'dis snar thang du bcom ldan ral gri'i chos khri la mjal du byon pa na/ chos khri'i steng nas sngar rje nyid kyis chos gsung myong ba dang/