[A:369]སློབ་མ་རྣམས་གྲལ་ལ་འཁོད་པའི་ས་ཆའི་རིམས་པ་ཐུགས་ཉམས་ལ་གསལ་བར་ཤར། དེའི་ཕྱིར་ཉིན་སྣར་ཐང་གི་སྡེ་དང་གོང་མཉམ་པ་ཡིན་ཟེར་བའི་བཅོམ་རལ་གྱི་ཕྱག་དཔེ་སྟོང་ཕྲག་ཉི་ཤུ་ལྔ་པའི་རྒྱ་དཔེ་པོ་ཏི་གཉིས་ཡོད་པ་དེ་དང། མཆིམས་ནམ་མཁའ་གྲགས་ཀྱི་ཐུགས་དམ་གནས་བརྟན་བཅུ་དྲུག་གི་བྲིས་སྐུ་བྱིན་རླབས་ཅན་དེ་ཡང་རང་ཤུགས་ཀྱིས་ཕྱག་ཏུ་བབས་སོ༎
སློབ་དཔོན་རིགས་པའི་རལ་གྲི་འདི་ཡང་མཁས་པའི་དབང་པོ་ཀཱ་མ་ལ་ཤི་ལ་དང་རྒྱུད་གཅིག་པའི་གཏམ་དུ་མ་སྣང་སྟེ། ཞིབ་ཏུ་གཞན་ལས་བཙལ་བར་བྱའོ༎
ཁོ་བོ་ཅག་གི་བདག་ཉིད་ཆེན་པོ་འདི་དང། བཅོམ་ལྡན་པ་ནི་གྲུབ་པའི་མཐའ་དང། རྩོམ་པའི་བབས་གཅིག་ཏུ་སྣང་ཞིང། རྟེན་འབྲེལ་སྒྱུ་མར་ཐུགས་སུ་ཆུད་པའི་རྣལ་འབྱོར་ལ་མཉམ་རྗེས་མི་མངའ་ཞིང། འཇིག་རྟེན་ཆོས་བརྒྱད་ཀྱི་འཁྲུལ་པ་ཐམས་ཅད་རང་སར་ཞིག་པའི་ཚུལ་ལ་ཆེས་ཤིན་ཏུ་མཚུངས་པའི་ངོ་མཚར་ཅན་གྱི་གཏམ་དུ་མ་ཞིག་སྣང་ངོ༎
2.3.2
རྗེ་བཙུན་དམ་པ་རྒྱ་གར་གྱི་ཐུགས་ཀྱི་སྤྲུལ་པ་ཇི་ལྟར་ཡིན་པའི་ཚུལ།
གཉིས་པ་ནི། ཁོ་བོ་ཅག་གི་བདག་ཉིད་ཆེན་པོ་འདི་ལ། རྗེ་བཙུན་དམ་པ་རྒྱ་གར་གྱི་མཛད་པ་ཕྲིན་ལས་ཐམས་ཅད་མངའ་བ་ཡིན་ཏེ། སྤྱིར་ཡུམ་ཤེས་རབ་ཀྱི་ཕ་རོལ་དུ་ཕྱིན་པའི་ཆོས་ལུགས་ལ་མཁས་ཤིང་དབང་འབྱོར། ཁྱད་པར་ཤེར་ཕྱིན་བཀའ་བབས་དྲུག་གི་ཉམས་སུ་ལེན་པའི་ལམ་རིམ་གྱི་བསྟན་བཅོས་ཆེན་པོ་མཛད། སྔོན་རྗེ་བཙུན་དམ་པ་རྒྱ་གར་གྱི་འཕན་ཡུལ་རྒྱལ་གྱི་ལུང་པར་ལོ་གསུམ་བཞུགས། ཡོན་བདག་ཞིག་གིས་ཡུམ་རྒྱས་པ་ལ་རབ་གནས་ཞུས་པས། ཁོ་ཅུང་ཟད་ཡིད་མ་ཆེས་པའི་ཚེ་ཡུམ་གྱི་ཤོག་བུ་ཐམས་ཅད་ནམ་མཁའ་ལ་རླུང་གིས་སྤྱན་འདྲེན་དུ་བཅུག། དེའི་ཚེ་ནམ་མཁའི་དབྱིངས་ཤིན་དུ་མཐོ་བ་ན་གདུགས་