[A:304]rnal 'byor gyi drung du/ zhi byed gsan pa la gshegs pa'i tshe/ grub chen gyi zhal nas/ de ring 'o skol gyi 'dir rje btsun dam pa rgya gar gyi sprul pa zhig 'byon pa'i mtshan ma byung bas dge ba'i bshes gnyen rnam rnal 'byor pa'i cha lugs can su byung na bkur sti dang zhe sa legs par byed dgos zhes gsung/ de'i nyin bdag nyid chen po chos gsan pa la 'byon gin yod do ces pa'i pho nya bas phebs so//
des dus kyi pho nya ba de yang sems dpa' chen po mus pa dkon mchog rgyal mtshan yin no//
yang bdag nyid chen pos/ la stod ding rir bla ma blo gros rgya mtsho'i drung du/ rje btsun dam pa rgya gar gyi zhal gdams ma luslu pa gsan pa la phebs pa'i tshe/ bla ma de'i mtshan lam du dam pa kun dga' yin zer ba'i dge ba'i bshes gnyen lang tsho dar yol gcig byon nas/ khyed la pha dam pa sangs rgyas kyi chos rnams zhu ba yin zer/ de la nyid rang mkhas byas pas/ sngar mkhas kyang bar du skye ba gzhan len dgos pa byung ba yin zhes zer/ de'i phyi nyin bdag nyid chen pos phebs so//
de la brten nas rje btsun dam pa sangs rgyas kyi sku'i skye ba yin par kun la grags so//
don 'di la yid ches pa'i rgyu mtshan gzhan yang mang du snang ste/ spyir dbu ma rang rgyud kyi bstan bcos dang/ khyad par kA ma la zhi la'i gsung rab la lta ba'i rgyab rten mdzad/ bsgom pa nyams su len pa'i rim pa yang bsgom rim thog mtha' bar gsum gyi lugs dang 'thun par thugs nyams su bzhes shing gzhan la 'doms par mdzad/ de gsum gyi rnam bshad rgyas pa mdzad pa po sngon ma byung yang/ rje 'di nyid kyis mdzad cing/ de lta bu'i rnam bshad ngo mtshar can de ni/ rje nyid kyis mdzad pa'i gsung rab rnams kyi nang nas khyad par du 'phags pa cig yin no//
yang rje btsun dam pa rgya gar gyi gsung rab la thugs shin tu dad cing de'i gsung rab sna gcig tsam bzhugs pa'i dge ba'i bshes gnyen pa dag gang na snang yang de la khengs dregs mi