[A:303]mang du mdzad/ phyis 'phags yul du gshegs pa'i lam khar grub chen dam pa rgya gar dang mjal/ dus der srin po'i ro chen po zhig gis lam po che bcad nas/ ro de la res 'ga' 'byung po dag zhugs nas phyogs kyi 'gron po rnams la nye bar 'tshe bar gzigs nas/ slob dpon des ro la grong 'jug mdzad nas thag ring por skyel ba la gshegs so//
de'i shul du slob dpon de'i sku lus shin tu mdzes shing yid du 'ong bar gzigs nas sku lus de la/ dam pa rgya gar gyis zhugs nas rang gi lus mi mdzes pa de shul du bzhag go//
slob dpon phyir 'khor ba na/ rang gi sku lus gzhan gyis khyer bar gzigs nas rje btsun dam pa rgya gar gyi sku lus de nyid la zhugs so//
de'i phyir bod yul du byon pa'i rje btsun dam pa rgya gar zhes mtshan nyi ma ltar grags pa de nyid kyi thugs rnam par mi rtog pa'i ye shes kyi ngo bo ni mkhas pa'i dbang po kA ma la shi la yin no//
grub chen mkhas pa'i dbang po de nyid smon lam gyi dbang gis sems can gyi don du skye ba bzhes pa ni/ kho bo cag gi rje btsun dam pa 'di nyid yin te/ grub chen nyag bre se bos/ sngon dang phyi ma'i gnas mang po mkhyen nas/ gangs can gyi skyes bu dam pa mang po lung bstan pa'i yig tshang las/
gzhan yang skyes mchog dam pa'i sprul pa ni//
rnal 'byor mi 'gyur shAkya'i mtshan can de//
yul ni mdo khams shar gyi phyogs yin te//
'gro don bod yul matil du legs par mdzad//
ces gsungs pa dang/ bdag nyid chen po 'dis grub chen mus pa nam mkha'i