[A:365]yang ma nus shing/ mi bzhis khri la bteg kyang shin du lci bar snang ba'i phyir ro//
dper na/ rtse thang pa'i slob dpon ston pa'i lag tu zhabs g.yas pa'i mtheb chen gyi son mo rang po gcig khor rang gis zhus nas yod pa de/ dus phyis thams cad nya phyis kyi rang bzhin du song nas sen mo rang ga ba'i rnam pa cung zad kyang med pa dang/ dbon po rin chen dpal bzang po'i phyag tu tshems gcig byon pa la dus phyis tshems rang ga ba'i rnam pa de gnas gyur nas spos shel dngas pa'i rang bzhin can/ ring bsrel brgya phrag gis byur bur bltams pa gcig byung ba dang/ mi nyag blo bzang la nye gnas kyis tshems gcig byin pa/ mi nyag gi lag tu sleb ma thag tu ring bsrel gcig 'bur gyis byon/ dus phyis ring bsrel gcig po de bog pa'i shul nas yang cig byon/ de yang phog/ de'i shul nas cig 'byon gyin yod par thos pa lta bu'o//
de la 'di skad ces/
mi pham zhal grub grub pa'i sar bzhugs pas//
kun gyi yongs 'dzin 'dzin ma'i khyon dag tu//
gzhan las rab 'phags 'phags pa'i thugs mnga' ba//
kun mkhyen rong ston ston pa'i rgyal tshab yin//
gang la rab mkhas mkhas pa kun gyi mchog//
sku gsung rab btsun btsun pa yongs kyi rje//
nyid thugs rab bzang bzang po'i phrin las can//
dpal ldan chos rje rje btsun dam pa'i zhabs//
zhabs zung gus pas bsten pa'i slob ma kun//
kun nas yangs pa'i mkhyen brtses rjes bzung la//
la la min par dus rnams thams cad du//
du mas bsngags pa'i khri la 'khod gyur cig//
bcu phrag lo la gtsug rgyan chu gter du//
zhabs rdul padmo'i phreng ba nyer blangs nas//