[A:366]gang gsungs bdud rtsis bcu gsum lor 'tsho ba//
mchog ldan dad pa'i rgya mtshor tshul 'di shar//
mangga laM//
bha wantu// //
2
thun mong ma yin pa gsang ba'i rnam par thar pa'o//
rje btsun thams cad mkhyen pa nyid kyi zhabs la gus pas phyag 'tshal lo//
don gnyis pa gsang ba'i rnam par thar pa la/ 2.1
nges pa'i don du sangs rgyas pa'i tshul/ 2.2
gnas skabs mkhas grub kyi tshul bzung nas bstan pa la bya ba mdzad pa'i tshul/ 2.3
drang don du dge ba'i bshes gnyen du tshul bzung nas sprul pas 'gro don phyogs med du mdzad pa'i tshul lo//
2.1
nges pa'i don du sangs rgyas pa'i tshul/
dang po ni/ rje btsun dam pa rgya gar ni ma byon pa'i sangs rgyas gnyis pa seng ge'i sgra zhes yongs su grags pa de nyid yin par de nyid kyi rnam par thar pa las 'byung zhing/ dga' ldan gyi gnas na skye ba gcig gi thogs pa'i byang chub sems dpa'i tshul bzung nas/ rje btsun ma pham pa'i rgyal tshab tu dbang bskur bar 'gyur ro zhes kyang 'byung ngo//
rje dus gsum mkhyen pa las yang lung bstan de ltar 'byung mod/ de gnyis thugs rgyud gcig pa la 'gal ba med do//
kho bo cag gi rje btsun dam pa 'di nyid kyang rje dus gsum mkhyen pa'i thugs kyi sprul pa yin par grags so//
2.2
gnas skabs mkhas grub kyi tshul bzung nas bstan pa la bya ba mdzad pa'i tshul/
gnyis pa la/ 2.2.1
mkhas pa'i go 'phang brnyes pa'i tshul dang/ 2.2.2
grub pa'i sa brnyes pa'i tshul lo//
2.2.1
mkhas pa'i go 'phang brnyes pa'i tshul/
dang po ni/ rje btsun dam pa rgya gar gyi 'dzam bu'i gling 'dir mi'i skye ba bdun bar ma chad par bzhes pa'i tha ma la/ bram ze'i rigs shig tu 'khrungs te/ de'i ming la smra ba'i seng ge dang/ mi pham mgon po dang/ las kyi rdo rje ces bya ba gsum btags so//
de dus re zhig gi tshe shrI nA lenTA'i gtsug lag khang chen po bhi kA ma la shI la zhes yongs su grags pa der/ dharma shI la dang/