[A:364]rings par brkyang nas ni//
nyid rang gang na 'khod pa'i go 'phang la//
dad ldan slob ma'i tshogs rnams drang du gsol//
de nas tshes bcu bzhi'i snga dro nas nyer gcig gi bar la/ sku khams bsnyel ba'i lugs su byas nas/ gra nang gling gsum thams cad kyis mang ja drug cu tsam bskol/ dge 'dun stong rwa can tsam gyis nyin mtshan gnyis ka sku rim rgya chen po 'bad rtsol gyis legs par bsgrubs so//
de nas gdung mchod dang/ nyi ma dbus phyogs kyis chos sde mtha' dag tu gshegs rdzong gi rims pa ji ltar bsgrub pa'i tshul ni bsam gyis mi khyab pas brjod par mi nus so//
de nas nang rten gser dngul las grub pa'i bkra shis sgo mang gi nang du/ sku gdung rin po che bzhugs su gsol ba dang/ phyi rten bstan pa'i bdag po thub pa nyid kyi sku lugs su blugs pa'i gser sku rgya mtho nyi shu rtsa lnga ma rnams chos rje gdan sa pa dang/ nye gnas chen mo rnams kyis legs par grub pa'o//
sku gdung ni ding sang gi dus su gzhal du med pa'i yid bzhin gyi rin po che'i ngo bor gnas gyur nas bzhugs pa yin gyi/ rus bu'i rnam par ni cung zad kyang mi bzhugs par nges te/ sngar zhi bar gshegs ma thag gi dus su/ sku gdung gdung sgrom dang bcas pa de/ mi rgyags gud bar ma cig gis khur ba dang/ pang du bteg nas gzhan la byin rlabs byed pa la dka' ba'i gnas gang yang med pa cig yin pa la/ dus phyis zhi bar gshegs nas lo nyi shu song ba'i dus der/ chos kyi rje kun dga' rdo rje'i zhal snga nas sku gdung gi mchod rten de nyid rgyu dang bkod pa phun sum tshogs par bsgrubs pa'i skabs der/ gdung sgrom de nyid mi rgyags pa gcig gis pang du len pa lta zhog/ sgul bar