[A:353]dus der/ go bo dang/ ra dmar ba chu 'dren pa'i yur ba la mi 'cham pa'i 'khrug pa chen po 'ong grags 'dug pa la/ rje nyid kyi gzim khang gi steng nas phaT ces gsungs pas 'khrug pa rang zhi la song zhes slob dpon rgyal bzangs pa gsung ngo//
yang mkhan chen padma bzang po mjal ba dang/ khong pa nyid kyis mdzad pa'i dus 'khor TIka chen gyi rab gnas zhu ba la byon pa'i dus su/ dge 'dun tshogs pas bsu ba mdzad/ me tog gi char babs/ rje'i zhal nas/ mkhan chen pa khyed kyis byas pa'i TI ka la nor pa gsum yod ces gsungs/ de gang yin zhus pas ci yang mi gsung mod/ nga rang gi blo la mi bde ba gsum yod pa dang 'thun par byung bas/ rje nyid la mngon shes mnga' ba la rtsod pa med ces gsungs/
yang khams nas slob dpon rin chen blo gros rje nyid mjal ba la phebs pa'i tshe/ rje'i zhal nas khyed kyis ja gang bzang ba thams cad nged la phul cig/ dkar yol gyi nag la nang dkar ba de yang phul cig zhes gsung/ bdag lo gsum dbus gtsang du chos sngar ma thob pa rnams nyan pa la 'ongs pa yin pas/ ja bzang po gang yod phul bas mi yong lags/ dkar yol de 'dra ni ye rang med lags/ zhes zhus pas/ khyed lo 'di ma 'khor bar khams la 'gro bar 'dug ces gsungs/ phyis gsang phur ja 'gyed byas pa'i dus su/ ja sigs cig gi sked pa bcad pas/ dkar yol de byung pa/ rje nyid la phul lo//
rkyen dgos 'ga' zhig gi dbang gis khams la thegs pa yang de bzhin kho nar byung ngo zhes khong pa nyid gsung ngo//
yang lha