[A:352]sogs pa'i brgya 'bul chen po byung/ sne gdong nas dbang grags pa 'byung gnas kyi/ drung du tshigs su bcad pa'i dbyangs kyis bstod bkur bsngags gsum dang/ dge 'dun tshogs pa la bsnyen bkur rgya chen po dang/ dgon pa'i gzhi rkyen gtsugs/ drung nor bzangs pa sku mched phebs nas/ rnam gzhag rgya chen po mdzad nas dgon pa'i gzhi rkyen phul/ gling stod smad bar gsum gyi dpon chen dang/ khrom khri dpon dang/ gtsan la rgyal po sogs rgyal rong gi sde pa bzhi'i zhal ngo rnams dang/ mon gyi rgyal po sogs byon nas/ gdams pa dang byin rlabs zhus/ longs spyod bsam gyisgyi mi khyab pa'i 'bul ba byas/ sa skya nas bdag chen 'jam dbyangs pa phebs bsnyen par rdzogs pa'i mkhan po zhus/ de'i gcung bdag po mthu stobs kyi dbang phyug phebs/ rje nyid kyis bdag po la bsu ba mdzad pa'i dus su/ bdag pos rje nyid gur gyi mgon po'i skur gzigs/ mi g.yo ba dkar po'i rjes gnang mdzad pa'i dus su/ mi g.yo ba sngon po sbrul gyi ske rags can cig tu gzigs/ yang lo dgon pa nas spyan snga tshul khrims dar ma mjal du phebs/ bkra shis khra rings brkyangs/ dge 'dun tshogs pas bsu ba mdzad/ me tog gi char chen po babs/ dus der spyan snga bas rje nyid kyi zhabs kyi mthil sor bzhi tsam sa la mi reg par byon gyin 'dug pa mthong/ yang gung ru rgyal mtshan bzang po mjal du byon pa'i tshe/ phyir mi ldog pa'i rtags las brtsams pa'i dri ba byas pas/ phyir mi ldog tu yid ches par byung gsungs zhing/