[A:354]'bri ston pa shes rab rdo rje rab sgang nas mjal ba la phebs/ lung bstan zhus pas/ rgyu sde'i gnad phyinpyin ci ma log par shes nas/ lag len 'khrul med du byed pa bla ma bzangs yin pas/ der thang gcig byon/ de nas mgyogs par rab sgang la byon/ dbus gtsang du yun ring na bar chad cung zad tsam byung nyen yod/ khyed rang gi dgon pa der mkhan chen pa dang/ nged dpon slob kyi sku 'dra tshad dang mnyam pa re bzhengs des byin rlabs myur du 'jug pa yin ces gsung ngo//
ji skad gsung ba thams cad thog tu khel ba byung zhes gsung ngo//
yang lha 'bri ston pa/ go bo rab 'byams pa/ kun mkhyen dga' ba gdong pa dang gsum la/ bya ba dang bya ba ma yin pa'i rnam dbye thams cad rje nyid la gsol ba btab na/ rmi lam du lung ston gyin yod pa yin zhes khong pa gsum zhal gyis bzhes so//
yang dus gcig gi tshe/ dbon po kun rdor ba khyod bla ma'i gdan sa gsum byed dgos pas gal che zhes gsungs pa slob dpon nam mkha' dpal ldan gyis thos/ khong gi bsam pa la gdan sa gnyis byed pa srid/ gsum mdzad rgyu med bsam pa byung ste/ phyis nA lenTA'i gdan sa mdzad pa 'di dgongs pa yin pa 'dug ces gsung ngo//
yang chos khri'i steng na snga chos gsung gin yod pa'i tshe lcags zam pa mi nyag ral pa can gyi cha lugs byas/ yid la med du thal mar byung ste rta las ma bab pa chos khri la bskor ba gsum byas/ mang ja skol ba yin dung bus zer nas chos grwa'i zer der thab chung gcig gtsugs ja zhim po phor pa gang thon/ dung ma bus kyang dge 'dun lnga brgya tsam rang shugs kyis 'dus byung/ ja thur ma gang re dge 'dun thams cad kyi