[A:351]'bru dang rin po che rnams phyogs bcur 'thor ba mdzad/ bkra shis par gyur cig ces gsungs/ yang sa phyogs de na gzhi la 'khod pa'i 'khams ru rgan po zhig gis/ ja sder ma gang/ zho rdza ma gang phul nas/ byin rlabs zhus khyod kyi ming la ci zer zhes gsungs/ thar pa zhes zer ba lags zhes zhus pas/ rten 'brel bzang zhes gsungs zhing ja dang zho bsres nas phyogs bcur gtor bar mdzad/ bkra shis par gyur cig ces gsungs shing gtsug lag khang dang bla brang gi sa'i thig gdab/ dgon pa'i ming ni nA lenTa'o zhes gsungs/ de'i dgun dang dpyid/ lo pa dang/ bya yul bas spyan drangs/ me pho 'brug gi lo'i dbyar dgon pa'i rmang bting/ brang khang brgya dang/ sum cu rtsa bdun thebs/ de nas bzung ste dbyar chos dang/ dgun chos kyi sgrigs dang/ rnam par bzhag pa gsang phu ne'u'i thog na ji ltar yod pa bzhin phyag len du bzhes te/ lo bcu bzhi'i bar du zhabs brtan par gdan chags so//
dus de dag tu gzhan don phrin las legs par rgyas shing mthar phyin/ phyogs kyi bu slob thams cad legs par 'dus/ phyogs kyi mi che dgu mtha' dag gis 'bul ba dang/ zhe sa byas/ rten 'brel thams cad rang 'grig tu song/ rje nyid kyi thugs rgyud la mngon par rtogs pa'i yon tan mang po gong 'phel du 'khrungs so//
de yang 'di ltar/ chos rje karmA pas/ ja sigs sum cu/ khal gyi mdzo sga stan dang bcas pa dang brgya 'bul chen po mdzad/ rgya nag gi rgyal pos du gang bkra shis seng ge brdzangs nas gos phyi nang cha lnga dang/ ja sigs lnga la