[A:352]སོགས་པའི་བརྒྱ་འབུལ་ཆེན་པོ་བྱུང། སྣེ་གདོང་ནས་དབང་གྲགས་པ་འབྱུང་གནས་ཀྱི། དྲུང་དུ་ཚིགས་སུ་བཅད་པའི་དབྱངས་ཀྱིས་བསྟོད་བཀུར་བསྔགས་གསུམ་དང། དགེ་འདུན་ཚོགས་པ་ལ་བསྙེན་བཀུར་རྒྱ་ཆེན་པོ་དང། དགོན་པའི་གཞི་རྐྱེན་གཙུགས། དྲུང་ནོར་བཟངས་པ་སྐུ་མཆེད་ཕེབས་ནས། རྣམ་གཞག་རྒྱ་ཆེན་པོ་མཛད་ནས་དགོན་པའི་གཞི་རྐྱེན་ཕུལ། གླིང་སྟོད་སྨད་བར་གསུམ་གྱི་དཔོན་ཆེན་དང། ཁྲོམ་ཁྲི་དཔོན་དང། གཙན་ལ་རྒྱལ་པོ་སོགས་རྒྱལ་རོང་གི་སྡེ་པ་བཞིའི་ཞལ་ངོ་རྣམས་དང། མོན་གྱི་རྒྱལ་པོ་སོགས་བྱོན་ནས། གདམས་པ་དང་བྱིན་རླབས་ཞུས། ལོངས་སྤྱོད་བསམ་གྱིསགྱི་མི་ཁྱབ་པའི་འབུལ་བ་བྱས། ས་སྐྱ་ནས་བདག་ཆེན་འཇམ་དབྱངས་པ་ཕེབས་བསྙེན་པར་རྫོགས་པའི་མཁན་པོ་ཞུས། དེའི་གཅུང་བདག་པོ་མཐུ་སྟོབས་ཀྱི་དབང་ཕྱུག་ཕེབས། རྗེ་ཉིད་ཀྱིས་བདག་པོ་ལ་བསུ་བ་མཛད་པའི་དུས་སུ། བདག་པོས་རྗེ་ཉིད་གུར་གྱི་མགོན་པོའི་སྐུར་གཟིགས། མི་གཡོ་བ་དཀར་པོའི་རྗེས་གནང་མཛད་པའི་དུས་སུ། མི་གཡོ་བ་སྔོན་པོ་སྦྲུལ་གྱི་སྐེ་རགས་ཅན་ཅིག་ཏུ་གཟིགས། ཡང་ལོ་དགོན་པ་ནས་སྤྱན་སྔ་ཚུལ་ཁྲིམས་དར་མ་མཇལ་དུ་ཕེབས། བཀྲ་ཤིས་ཁྲ་རིངས་བརྐྱངས། དགེ་འདུན་ཚོགས་པས་བསུ་བ་མཛད། མེ་ཏོག་གི་ཆར་ཆེན་པོ་བབས། དུས་དེར་སྤྱན་སྔ་བས་རྗེ་ཉིད་ཀྱི་ཞབས་ཀྱི་མཐིལ་སོར་བཞི་ཙམ་ས་ལ་མི་རེག་པར་བྱོན་གྱིན་འདུག་པ་མཐོང། ཡང་གུང་རུ་རྒྱལ་མཚན་བཟང་པོ་མཇལ་དུ་བྱོན་པའི་ཚེ། ཕྱིར་མི་ལྡོག་པའི་རྟགས་ལས་བརྩམས་པའི་དྲི་བ་བྱས་པས། ཕྱིར་མི་ལྡོག་ཏུ་ཡིད་ཆེས་པར་བྱུང་གསུངས་ཞིང།