[A:345]gis de 'dra'i khyab pa ma bcas pas dngos 'gal du ma song zhes zer/ rje nyid kyi zhal nas/ khyed kyis mi shes dka' bcu pa khong rang la dris shig ces gsungs pas/ dka' bcu pa na re song song ces gsungs/ de'i dus kyi rtsod gzhi ni/ rje nyid kyis rigs pas dpyad pa'i tshe/ tshad ma dang gzhal bya don dam du ma grub par zhal gyis bzhes pa las/ dar mas/ don dam du tshad mas dmigs pa ma grub pa'i phyir/ ces 'phangs nas 'khor gsum ka sgrigs pa las/ rtags kyi sgrig mtshams rigs pas shin tu dpyad pa'i tshe tshad ma dang gzhal bya don dam du ma grub pa bud/ ces pa yin la/ de nas bgro gleng mang po song ba'i rjes su/ bdag nyid chen pos/ rigs pas shin du dpyad pa'i tshe tshad ma dang gzhal bya don dam du grub par thal/ don dam du tshad mas dmigs pa grub pa'i phyir/ zhes 'phangs pa la khyab pa ma grub kyi lan btab par rtsod yig las bshad do//
yang theg chen chos kyi rgyal po gong la phyirpyir thegs pa'i tshe/ 'phan yul A hUM gdong gi na mo cher dgas po dka' bcu pa 'od zer seng ge dang/ dbu ma'i rtsod pa byas pas/ dgas po na re/ myu gu de bden pa gnyis char du yod med la sogs pa'i mtha' bzhi dang bral ba yin no zhes zer/ de la/ bdag nyid chen pos/ myu gu chos can/ kun rdzob tu yod par thal/ kun rdzob tu med pa ma yin pa'i phyir/ 'khor gsum dngos 'gal lo zhes gsungs pa la/ dgas pos khyab pa med do// myu gu sogs pa'i chos can ji snyed pa rnams kun rdzob tu yod par khas len cing/ med par khas mi len pa de ni/ rigs pa'i rnam gzhag mi byed pa de'i tshe yin la/ rgol phyir rgol so sor bshams nas rigs pa'i rnam gzhag byed pa de'i tshe ni/ yod med la