[A:344]chen po blo rgyam pa na re/ nyan rang 'phags pa chos can/ chos dbyings rtogs pa yin te/ chos dbyings la dmigs pa yin pa'i phyir ces zer/ de la rje nyid kyis/ chos dbyings la dmigs nas bden par 'dzin pa'i blo chos can/ zhes gsungs pa la/ chen po bas/ thog mar chos can ma grub ces zer zhing/ rjes su dag pa phul zhes gral der 'khod pa rnams gsungs/ ya 'brog gi mngon dgar/ bo dong pa paN chen chos rgyal dang dbu ma'i rtsod pa mdzad pas/ bo dong pas kun rdzob bden pa ces pa'i tshig zur gyi bden pa dang/ don dam bden pa zhes pa'i tshig zur gyi bden pa'i tshig gnyis po don gcig la 'du bar khas len dgos pa byung bas/ spobs pa bcom pa yin no zhes rje nyid gsung ngo//
yang bla ma rje btsun pa'i gzhung lugs rab 'byams smra ba'i bshes gnyen bdun gyi nang nas/ rtsod pa phul phyin dar ma rin chen gsang phur dka' bcu'i grwa skor la byon pa'i tshe/ rje nyid dang rtsod pa nyi ma lnga mdzad pa la/ dar mas/ rin po che g.yag pa'i grub mtha' la zur za ba'i dam bca' bcu gnyis bzhag/ rje nyid kyis rin po che pa'i dam bca'i rjes su zhugs pa'i dam bca' bcubcwa lnga bzhag/ de nas phan tshun 'phen len byas pa la/ dka' bcu pa dar mas nyi ma gsum pa la/ rtags sgrigs pa'i sgrigs mtshams de/ rje nyid kyis nyi ma bzhi pa la gshags pas/ rtags khas blangs dang thal chos la tshad ma'i bsal pa zhugs pas gnyis po la lan ma thebs par/ sngar gyi sgrig mtshams brjed nas khyab pa med byas pas/ dngos 'gal la lan btab/ der rje nyid kyis dngos 'gal la lan btab po ces gsungs pas/ gling stod gdan sa ba dang/ rtsod yig 'bri mkhan slob dpon dben gi?ge ba na re/ khong